ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଉ ଏକ ବିଶ୍ବ ରେକର୍ଡ । ତୃତୀୟ ଥର କ୍ଷମତାକୁ ଆସିବାର ମାସକ ପରେ ଆଉ ଏକ ବଡ ଉପଲବ୍ଧି । ତେବେ ଯଦିଓ ବିଜେପି ଏକକୀ ସରକାର ଗଠନରେ ବିଫଳ ହୋଇଛି ଏବଂ ଏନଡିଏ ମେଣ୍ଟରେ ସରକାର ଗଠନ କରିଛି, ତଥାପି କମିନି ମୋଦଙ୍କ ଲୋକପ୍ରିୟତା । ସେ ପୁଣି ଥରେ ସାରା ବିଶ୍ବରେ ସର୍ବାଧିକ ଲୋକପ୍ରିୟ ନେତା ଭାବେ ନିଜକୁ ପ୍ରମାଣିତ କରିଛନ୍ତି । ବିଶେଷ କରି ସାମାଜିକ ଗଣମାଧ୍ୟମରେ ମୋଦିଙ୍କ ନିକଟରତର ମଧ୍ୟ ନୁହଁନ୍ତି ବିଶ୍ବର ଅନେକ ଶକ୍ତିଶାଳୀ ଦେଶର ରଷ୍ଟ୍ରମୁଖ୍ୟ ।
ରବିବାର ମୋଦି ଏକ ବିଶେଷ ମାଇଲଷ୍ଟୋନ ହାସଲ କରିଛନ୍ତି । ସୋସିଆଲ ମିଡିଆ ଏକ୍ସ’ରେ ମୋଦିଙ୍କ ବର୍ତ୍ତମାନ ଫଲୋର୍ସ ସଂଖ୍ୟା ପହଞ୍ଚିଛି 100 ମିଲିୟନରେ । ଅର୍ଥାତ୍ 10 କୋଟି । ଏହି ପ୍ଲାଟଫର୍ମରେ 100 ନିୟୁତ ଫଲୋର୍ସ ଲିଷ୍ଟରେ ସବୁଠୁ ଆଗରେ ରହିଛନ୍ତି ମୋଦି । ମୋଦିଙ୍କ କାହିଁ କେତେ ପଛରେ ବଡ ବଡ ସେଲିବ୍ରେଟି ଏବଂ ରାଷ୍ଟ୍ରନେତା । ତେବେ ମୋଦିଙ୍କ ଆଗରେ ଏକ୍ସରେ କେବଳ ରହିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ।
ତେବେ ଭାରତରେ ମୋଦିଙ୍କ ପଛରେ ରହିଛନ୍ତି ଅନେକ ରାଜନୀତି । ରାହୁଲ ଗାନ୍ଧୀ (26.4 ମିଲିୟନ), ଅରବିନ୍ଦ କେଜ୍ରିଓ୍ବାଲ (27.5 ମିଲିୟନ), ଅଖିଳେଶ ଯାଦବ (19.9 ମିଲିୟନ), ମମତା ବାନାର୍ଜୀ (7.4 ମିଲିୟନ)ଙ୍କ ଫଲୋର୍ସ ରହିଛନ୍ତି ।