ନୂଆଦିଲ୍ଲୀ: ନ୍ୟାସନାଲ ଏଲିଜିବିଲିଟି କମ ଏଣ୍ଟ୍ରାନ୍ସ ଟେଷ୍ଟ ନେଇ ତାରିଖ ଘୋଷଣା କଲା ନ୍ୟାସନାଲ ଟେଷ୍ଟିଂ ଏଜେନ୍ସି । ଆସନ୍ତା ମେ 4 ତାରିଖରେ ନିଟ-ୟୁଜି (NEET-UG) ପ୍ରବେଶିକା ପରୀକ୍ଷା ଅନୁଷ୍ଠିତ ହେବ । ଆବେଦନ ପ୍ରକ୍ରିୟା ଶୁକ୍ରବାର ଠାରୁ ଆରମ୍ଭ ହୋଇଥିବା ବେଳେ ଶେଷ ତାରିଖ ମାର୍ଚ୍ଚ 7 ରହିଛି । ଏନଟିଏର ଅଫିସିଆଲ ଓ୍ବେବସାଇଟ (neet.nta.nic.in)ରେ ଆବେଦନ କରିପାରିବେ ଆଶାୟୀ ଛାତ୍ରଛାତ୍ରୀ ।
NEET UG 2025 ପେନ୍-ପେପର ଫର୍ମାଟରେ ଅନୁଷ୍ଠିତ ହେବ । ମେ 1 ତାରିଖ ନଚେତ ତା ପୂର୍ବରୁ ଏନଟିଏ ଓ୍ବେବସାଇଟରେ ଆଡମିଟ୍କାର୍ଡ ଉପଲବ୍ଧ ରହିବ । ଗୋଟିଏ ସିପ୍ଟରେ ଅପରାହ୍ନ 2ଟାରୁ ସନ୍ଧ୍ୟା 5ଟା ପର୍ଯ୍ୟନ୍ତ 3 ଘଣ୍ଟା ଧରି ପରୀକ୍ଷା ଚାଲିବ । ଜୁନ 14 ତାରିଖରେ ଫଳ ପ୍ରକାଶ ପାଇବ ।
ନିଟ-ୟୁଜି ପରୀକ୍ଷା ତାରିଖ: ମେ 4, 2025
ଆବେଦନ ଶେଷ ତାରିଖ: 7 ମାର୍ଚ୍ଚ, 2025
ଆଡମିଟକାର୍ଡ: ମେ 1, 2025 କିମ୍ବା ତା ପୂର୍ବରୁ
ଫଳାଫଳ ଘୋଷଣା: 14 ଜୁନ୍, 2025 ସୁଦ୍ଧା
କାଉନସିଲିଂ ପ୍ରକ୍ରିୟା: ଜୁଲାଇ 2025ରେ ଆରମ୍ଭ ହେବା ନେଇ ଆଶା କରାଯାଉଛି
ଏହା ମଧ୍ୟ ପଢନ୍ତୁ-ନିଟ୍-ୟୁଜି ପେପର ଲିକ୍ ମାମଲା: ଭୁବନେଶ୍ୱରରୁ ଜଣକୁ ଗିରଫ କଲା ପାଟନା CBI - NEET UG Paper Leak Case - NEET UG PAPER LEAK CASE
ଏହା ମଧ୍ୟ ପଢନ୍ତୁ-ଗୁରୁବାରକୁ ଘୁଞ୍ଚିଲା ଶୁଣାଣି, ‘NTA’ର ଆବେଦନ ଉପରେ ଜାରି ହେଲା ନୋଟିସ - SC issues notice on NTA
2024 ମସିହାରେ, 24 ଲକ୍ଷରୁ ଉର୍ଦ୍ଧ୍ବ ପରୀକ୍ଷାର୍ଥୀ ନ୍ୟାସନାଲ ଏଲିଜିବିଲିଟି କମ ଏଣ୍ଟ୍ରାନ୍ସ ଟେଷ୍ଟ ଦେଇଥିଲେ, ଯାହା ଏକ ରେକର୍ଡ। ମେଡିକାଲ କଲେଜରେ ନାମଲେଖା ପାଇଁ NTA ପ୍ରତିବର୍ଷ NEET ପରୀକ୍ଷା ଆୟୋଜନ କରିଥାଏ । MBSS ପାଠ୍ୟକ୍ରମ ପାଇଁ ଦେଶର ବିଭିନ୍ନ ହସ୍ପିଟାଲରେ ମୋଟ 1,08,000 ସିଟ୍ ଉପଲବ୍ଧ। ସେମାନଙ୍କ ମଧ୍ୟରୁ ପ୍ରାୟ 56,000 ସରକାରୀ ହସ୍ପିଟାଲରେ ଏବଂ ପ୍ରାୟ 52,000 ବେସରକାରୀ କଲେଜରେ ରହିଛି । ଗତ ମାସରେ NTA ଘୋଷଣା କରିଥିଲା ଯେ ଏହି ପରୀକ୍ଷା ପେନ୍ ଏବଂ ପେପର୍ ମୋଡରେ ଅନୁଷ୍ଠିତ ହେବ। କେନ୍ଦ୍ର ଶିକ୍ଷା ଏବଂ ସ୍ୱାସ୍ଥ୍ୟ ମନ୍ତ୍ରଣାଳୟ ମଧ୍ୟରେ ବିସ୍ତୃତ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି।
ଗତ ବର୍ଷ NEET UG ପରୀକ୍ଷାରେ ଅନିୟମିତତା ଅଭିଯୋଗ ହୋଇଥିଲା । ଏହାପରେ କେନ୍ଦ୍ର ସରକାର ଜୁଲାଇରେ ପରୀକ୍ଷାକୁ ସ୍ୱଚ୍ଛ, ଏବଂ ନିରପେକ୍ଷ ପରିଚାଳନା ସୁନିଶ୍ଚିତ କରିବା ପାଇଁ NTA ଦ୍ୱାରା ଏକ ପ୍ୟାନେଲ ଗଠନ କରିଥିଲେ। ପୂର୍ବତନ ISRO ମୁଖ୍ୟ ଆର ରାଧାକୃଷ୍ଣନଙ୍କ ନେତୃତ୍ୱରେ ଉଚ୍ଚସ୍ତରୀୟ ପ୍ୟାନେଲ ଗଠନ କରାଯାଇଥିଲା । ପ୍ୟାନେଲ NEET UG ପାଇଁ ବହୁ-ସ୍ତରୀୟ ପରୀକ୍ଷଣ ପାଇଁ ପରାମର୍ଶ ଦେଇଥିଲା, କିନ୍ତୁ 2025 ପାଇଁ କୌଣସି ପରିବର୍ତ୍ତନ କରାଯାଇ ନାହିଁ।
