ହାଇଦ୍ରାବାଦ:ଜୁନ 1 ଶନିବାର ଲୋକସଭା ନିର୍ବାଚନ 2024ର ସପ୍ତମ ତଥା ଅନ୍ତିମ ପର୍ଯ୍ୟାୟ ମତଦାନ । ଶେଷ ପର୍ଯ୍ୟାୟରେ 7 ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର ମୋଟ 57 ନିର୍ବାଚନ ମଣ୍ଡଳୀରେ ପଡ଼ିବ ଭୋଟ୍ । ମୈଦାନରେ ଅଛନ୍ତି 904 ସାଂସଦ ପ୍ରାର୍ଥୀ । ଆଜି ସନ୍ଧ୍ୟା 6ଟା ସୁଦ୍ଧା ପ୍ରଚାର ଶେଷ ହୋଇଛି । ଏହାସହିତ 2024 ଲୋକସଭା ନିର୍ବାଚନର ପ୍ରଚାରରେ ଲାଗିଛି ବିରାମ । ପ୍ରଚାର ପରେ ସାଇଲେନ୍ସ ପିରିୟଡ ଆରମ୍ଭ ହୋଇଥିବା ବେଳେ ଦିନକ ପରେ ଏହି ସବୁ ନିର୍ବାଚନ ମଣ୍ଡଳୀରେ ମତଦାନ ଅନୁଷ୍ଠିତ ହେବ । ସବୁଠୁ ଖାସ କଥା ହେଉଛି ଶେଷ ପର୍ଯ୍ୟାୟରେ ମୈଦାନରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଥର ବି ବାରଣାସୀ ସଂସଦୀୟ କ୍ଷେତ୍ରରୁ ନିଜର ଭାଗ୍ୟ ପରୀକ୍ଷା କରିଛନ୍ତି ମୋଦି ।
ମୈଦାନରେ 904 ପ୍ରାର୍ଥୀ:-ସପ୍ତମ ପର୍ଯ୍ୟାୟରେ ମୈଦାନରେ ମୋଟ 904 ପ୍ରାର୍ଥୀ ରହିଛନ୍ତି । ଏମାନଙ୍କ ମଧ୍ୟରୁ 809 ଜଣ ପୁରୁଷ ଥିବା ବେଳେ 94ଜଣ ମହିଳା ଓ ଜଣେ ତୃତୀୟ ଲିଙ୍ଗୀ ପ୍ରାର୍ଥୀ ଅଛନ୍ତି । ଏମାନଙ୍କ ମଧ୍ୟରୁ 2078 ପ୍ରାର୍ଥୀ ନାମାଙ୍କନ ଭରିଥିବା ବେଳେ 1413ଜଣଙ୍କର ଗ୍ରହଣ କରାଯାଇଥିଲା । 598 ଜଣ ପ୍ରାର୍ଥୀଙ୍କ ନାମାଙ୍କନ ପ୍ରତ୍ୟାଖ୍ୟାନ ଓ 57 ଜଣ ପ୍ରାର୍ଥୀ ନିଜର ନାମାଙ୍କନ ପତ୍ର ପ୍ରତ୍ୟାହାର କରିନେବା ପରେ ଏବେ 904ଜଣ ପ୍ରାର୍ଥୀ ନିଜ ଭାଗ୍ୟ ପରୀକ୍ଷା କରିବେ । ଏହି ପର୍ଯ୍ୟାୟରେ ଦେଶରେ 167 ରାଜନୈତିକ ଦଳର ପ୍ରାର୍ଥୀ ପ୍ରତିଦ୍ବନ୍ଦ୍ବିତା କରୁଛନ୍ତି ।
| ସପ୍ତମ ବା ଶେଷ ପର୍ଯ୍ୟାୟ ମତଦାନକୁ ଯାଇଥିବା ନିର୍ବାଚନମଣ୍ଡଳୀ |
| ରାଜ୍ୟ/କେନ୍ଦ୍ର ଶାସିତ ଅଞ୍ଚଳ | ନିର୍ବାଚନ ମଣ୍ଡଳୀ |
| ବିହାର (8) | ନାଳନ୍ଦା, ପାଟନା ସାହିବ, ପାଟଳିପୁତ୍ର, ଆରାହ, ବକ୍ସର, ଜାହାନବାଦ, ସାସାରାମ (ଏସସି), କାରାକାଟ |
| ଚଣ୍ଡିଗଡ଼ (1) | ଚଣ୍ଡିଗଡ଼ |
| ହିମାଚଳ ପ୍ରଦେଶ (4) | କାଙ୍ଗରା, ମଣ୍ଡି, ହମିରପୁର, ସିମଲା |
| ଝାଡ଼ଖଣ୍ଡ (3) | ରାଜମହଲ, ଡୁମକା, ଗୁଡା |
| ଓଡ଼ିଶା (6) | ମୟୂରଭଞ୍ଜ, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର |
| ପଞ୍ଜାବ (13) | ଗୁରୁଦାସପୁର, ଅମୃତସର, ଖଦୁର ସାହିବ, ଜଳନ୍ଧର, ହୋସିହାରପୁର, ଆନନ୍ଦପୁର ସାହିବ, ଲୁଧିଆନା, ଫତେହଗଡ଼ ସାହିବ, ଫରିଦକୋଟ, ଫିରୋଜପୁର, ବଠିଣ୍ଡା, ସଙ୍ଗରୁର, ପଟିଆଲା |
| ଉତ୍ତର ପ୍ରଦେଶ (13) | ମହାରାଜଗଞ୍ଜ, ଗୋରଖପୁର, କୁଶି ନଗର, ଦେୱରିଆ, ବନ୍ସଗାଓଁ, ଘୋସି, ସଲିମପୁର, ବଲିଆ, ଗାଜିପୁର, ଚନ୍ଦୌଲି, ବାରଣାସୀ, ମିର୍ଜାପୁର, ରବର୍ଟସ୍ଗଞ୍ଜ |
| ପଶ୍ଚିମବଙ୍ଗ (9) | ଡୁମଡୁମ, ବାରାସାତ, ଜୟନଗର, ବସିରହାଟ, ମଥୁରାପୁର, ଡାଏମଣ୍ଡ, ହାର୍ବର, ଜାଦବପୁର, କୋଲକାତା, ଦକ୍ଷିଣ, କୋଲକାତା ଉତ୍ତର |