ବେଙ୍ଗାଲୁରୁ: ଭାଗ୍ୟ କେତେବେଳେ ବି ବଦଳିଯାଏ । ରାତାରାତି କୋଟିପତିରୁ କିଏ ଭିକାରୀ ହୋଇଯାଏ ତ କିଏ ହୋଇଯାଏ କୋଟିପତି । କଥାରେ ଅଛି ନା ରାତାରାତି କିଏ ରାଜା ହୋଇଯାଏ ତ କିଏ ଦାଣ୍ଡର ଭିକାରୀ । ଭାବୁଛନ୍ତି କି ଏକଥା ଆମେ କାହିଁକି କହୁଛୁ । ହଁ ଆଜ୍ଞା କର୍ଣ୍ଣାଟକରେ ଘଟିଛି ଏମିତି ଏକ ଘଟଣା । ଜଣେ ମେକାନିକଙ୍କ ରାତାରାତି ବଦଳି ଯାଇଛି ଭାଗ୍ୟ । ଆଉ ହୋଇଯାଇଛନ୍ତି କୋଟିପତି । ଯାହା ଏବେ ପୂରା କର୍ଣ୍ଣାଟକରେ ଚର୍ଚ୍ଚାର ବିଷୟ ପାଲଟିଛି ।
ଲଟେରୀରୁ ଜିତିଲେ 25 କୋଟି:
କର୍ଣ୍ଣାଟକର ଜଣେ ବାଇକ ମେକାନିକ ଜିତିଛନ୍ତି 25 କୋଟିର ଲଟେରୀ । ଯାହା ଆଜି ତାଙ୍କ ଭାଗ୍ୟ ବଦଳାଇ ଦେଇଛି । ଲଟେରୀ ଜିତିଥିବା ଯୁବକ ହେଲେ କର୍ଣ୍ଣାଟକ ମହିଶୂରର ଉଲତାଫ ପାଶା । ସେ ଗତ 15 ବର୍ଷ ହେଲା ସେ ଲଟେରୀ ଟିକେଟ କିଣିଆସୁଛନ୍ତି । ଆଶା ଥିଲା ଦିନେ ନା ଦିନେ ଜିତିବେ । ଶେଷରେ ସେ 25 କୋଟିର ଲଟେରୀ ଜିତିଛନ୍ତି ।
ଭାଗ୍ୟ ବଦଳାଇଲା ଲଟେରୀ:
ଏମିତି ଘଟିଥିଲା କି ତାଙ୍କ ବନ୍ଧୁକୁ 500 ଟଙ୍କିଆ ଲଟେରୀ ଟିକେଟ କିଣିବାକୁ କହିଥିଲେ ଉଲତାଫ । କିନ୍ତୁ ତାଙ୍କ ସାଙ୍ଗ ଜଣଙ୍କ ଦୁଇଟି ଟିକେଟକୁ ଅଦଳ ବଦଳ କରିଦେଇଥିଲା । ହେଲେ ଭାଗ୍ୟକୁ ଯେଉଁ ଟିକେଟଟି ଉଲତାଫଙ୍କୁ ମିଳିଲା ସେଟା ହିଁ ହେଲା ଜ୍ୟାକପଟ । କୋଟିପତି ହେବା ପରେ ବି ସେ ବିଶ୍ବାସ କରିପାରୁନଥିବା ଗଣମାଧ୍ୟମକୁ କହିଛନ୍ତି ।
ଝିଅକୁ କରିବେ ଡାକ୍ତର ?