ନୂଆଦିଲ୍ଲୀ: କେନ୍ଦ୍ରୀୟ ସଂସ୍ଥାର ତଦନ୍ତ ଓ କାର୍ଯ୍ୟାନୁଷ୍ଠାନ ଭୟରେ ବିଭିନ୍ନ ଦଳରୁ ନେତାମାନେ ବିଜେପିରେ ସାମିଲ ହେବାରେ ଲାଗିଛନ୍ତି । ବିଜେପି ମଧ୍ୟ ଅନ୍ୟ ଦଳଙ୍କୁ ଏହି କେନ୍ଦ୍ରୀୟ ସଂସ୍ଥାର କାର୍ଯ୍ୟାନୁଷ୍ଠାନ ନେଇ ଭୟଭୀତ କରିବାରେ ଲାଗିଛି । ବିଶେଷ ଭାବେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଓ ମନିଲଣ୍ଡ୍ରିଂ ଅଧିନିୟମ ‘PMLA ଆକ୍ଟ’ ଉଚ୍ଛେଦ କରିଦେଲେ ଅଧା ନେତା ବିଜେପିରୁ ଇସ୍ତଫା ଦେଇଦେବେ । ବହୁ ନେତା କେବଳ କାର୍ଯ୍ୟାନୁଷ୍ଠାନ ଭୟରେ ଭାରତୀୟ ଜନତା ପାର୍ଟିରେ ରହିଛନ୍ତି ବୋଲି କହିଛନ୍ତି ବୋଲି ଆମ ଆଦମୀ ପାର୍ଟି (ଆପ) ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ।
ଆଜି ବରିଷ୍ଠ କଂଗ୍ରେସ ନେତା ତଥା ସର୍ବୋଚ୍ଚ କୋର୍ଟର ବରିଷ୍ଠ ଆଇନଜୀବୀ ଅଭିଷେକ ମନୁ ସିଙ୍ଗଭିଙ୍କ ବାସଭବନରେ ଆୟୋଜିତ କାର୍ଯ୍ୟକ୍ରମରେ କଂଗ୍ରେସ ହାଇକମାଣ୍ଡ ତଥା ‘ଇଣ୍ଡିଆ’ ମେଣ୍ଟ ଅଧ୍ୟକ୍ଷ ମଲ୍ଲିକାର୍ଜୁନ ଖଡେଗ ଓ ଆପ ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ ଅଂଶଗ୍ରହଣ କରିଥିଲେ । ସମସ୍ତେ ବସି ଏକ ଅନୌପଚାରିକ ଆଲୋଚନା କରୁଥିବା ବେଳେ କେଜ୍ରିଓ୍ବାଲ ବିଜେପି ଓ କେନ୍ଦ୍ରୀୟ ସଂସ୍ଥାର କାର୍ଯ୍ୟାନୁଷ୍ଠାନ ପ୍ରସଙ୍ଗରେ ବର୍ଷିଥିଲେ । ବିଜେପି କେନ୍ଦ୍ରୀୟ ସଂସ୍ଥାର ଭୟ ଦେଖାଇ ବିଭିନ୍ନ ଦଳକୁ ଭୟଭୀତ କରିବାରେ ଲାଗିଛି । ଯଦି ପ୍ରବର୍ତ୍ତନ ନିର୍ଦ୍ଦେଶାଳୟକୁ ବନ୍ଦ କରିଦିଆ ଯାଆନ୍ତା ଓ ମନି ଲଣ୍ଡ୍ରିଂ ଅଧିନିୟମ ବା ‘ପିଏମଏଲଏ’ ଆକ୍ଟକୁ ଉଚ୍ଛେଦ କରିଦିଆ ଯାଆନ୍ତା, ତେବେ ବହୁ ନେତା ବିଜେପି ଛାଡିଥାନ୍ତେ ବୋଲି କେଜ୍ରିଓ୍ବାଲ କହିଥିଲେ । ନିକଟରେ ଖଡଗେ ଓ ଅଭିଷେକ ସିଙ୍ଗଭିଙ୍କ ସମେତ ଅନ୍ୟନେତାମାନେ ଉପସ୍ଥିତ ଥିଲେ ।