ହାଇଦ୍ରାବାଦ: ସୁପ୍ରିମକୋର୍ଟର ବରିଷ୍ଠ ଆଇନଜୀବୀ ତଥା କଂଗ୍ରେସର ଅନ୍ୟତମ ବରିଷ୍ଠ ନେତା ଅଭିଷେକ ମନୁ ସିଂଘବୀ ଆଜି ରାଜ୍ୟସଭା ଉପନିର୍ବାଚନ ପାଇଁ ତେଲେଙ୍ଗନାରୁ ନାମାଙ୍କନ ଦାଖଲ କରିଛନ୍ତି । ଆଜି ସେ ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ, ରାଜ୍ୟର ଏକାଧିକ ମନ୍ତ୍ରୀ, ଦଳର କେନ୍ଦ୍ରୀୟ ଓ ରାଜ୍ୟ ନେତୃତ୍ବଙ୍କ ଗହଣରେ ବିଧାନସଭାରେ ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ଗତକାଲି ରାତିରେ ଅଭିଷେକଙ୍କୁ ତେଲେଙ୍ଗାନାରୁ ରାଜ୍ୟସଭା ପ୍ରାର୍ଥୀ କରାଯିବା ନେଇ କଂଗ୍ରେସ ମିଟିଂରେ ନିଷ୍ପତ୍ତି ଚୂଡାନ୍ତ ହୋଇଥିଲା । ରାଜ୍ୟର ଗୋଟିଏ ଆସନରେ ଏହି ନିର୍ବାଚନ ହେଉଛି ।
- ହିମାଚଳରେ କ୍ରସ ଭୋଟିଂ କାରଣରୁ ହାରିଥିଲେ :
ଫେବୃଆରୀରେ ହୋଇଥିବା ରାଜ୍ୟସଭା ନିର୍ବାଚନରେ ଅଭିଷେକ ହିମାଚଳରୁ ନିର୍ବାଚନ ଲଢିଥିଲେ । ସେ ବିଜେପି ପ୍ରାର୍ଥୀ ହର୍ଷ ମହାଜନଙ୍କ ବିରୋଧରେ ଲଢିଥିଲେ । ସଂଖ୍ୟା ଗରିଷ୍ଠତା ଥାଇ ସୁଦ୍ଧା କଂଗ୍ରେସ ପ୍ରାର୍ଥୀ ଅଭିଷେକ ମନୁଙ୍କୁ ପରାଜୟ ହେବାକୁ ପଡିଥିଲା । 6ଜଣ କଂଗ୍ରେସ ବିଧାୟକ କ୍ରସ ଭୋଟିଂ କରି ବିଜେପି ପ୍ରାର୍ଥୀଙ୍କୁ ଭୋଟ ଦେଇଥିଲେ । ହିମାଚଳ ବିଧାସଭା ବାଚସ୍ପତି କୁଳଦୀପ ପଠାନିଆ କ୍ରସ ଭୋଟିଂ କରିଥିବା 6 ଜଣ କଂଗ୍ରେସ ବିଧାୟକଙ୍କୁ ଅଯୋଗ୍ୟ ଘୋଷିତ କରିବା ସହିତ ସଦସ୍ୟ ପଦ ରଦ୍ଦ କରିଥିଲେ । ପରେ ଏହି ମାମଲା କୋର୍ଟରେ ପହଞ୍ଚିଥିଲା ।
- କେଉଁ ରାଜ୍ୟର କେତେ ଆସନରେ ହେଉଛି ନିର୍ବାଚନ:-