ହାଇଦ୍ରାବାଦ: ଆସନ୍ତା ଶୁକ୍ରବାର (ନଭେମ୍ବର 8) ଠାରୁ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଆରମ୍ଭ ହେବାକୁ ଯାଉଛି 4 ମ୍ୟାଚ ବିଶିଷ୍ଟ ଟି 20 ସିରିଜ । ସୂର୍ଯ୍ୟକୁମାର ଯାଦବଙ୍କ ନେତୃତ୍ବରେ ପଡିଆକୁ ଓହ୍ଲାଇବ ଟିମ୍ ଇଣ୍ଡିଆ । ପ୍ରଥମ ଥର ପାଇଁ ଅନ୍ତର୍ଜାତୀୟ 20ରେ ପଦାର୍ପଣ କରିବାକୁ ଯାଉଛନ୍ତି ରମଣଦୀପ ସିଂ । ତେବେ କେବେ, କେଉଁଠାରେ ଓ କିପରି ଏହି ମ୍ୟାଚ ମାଗଣାରେ ଦେଖିପାରିବେ ତା ଉପରେ ନଜର ପକାନ୍ତୁ ।
କେବେ, କେଉଁଠାରେ ମ୍ୟାଚ ?
ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ପ୍ରଥମ ଟି -20 ମ୍ୟାଚ୍ ନଭେମ୍ବର 8 ରେ ଖେଳାଯିବ । ଏହି ମ୍ୟାଚ୍ ସାଉଥ ଆଫ୍ରିକାର କିଙ୍ଗ୍ସମିଡ୍ ଓଭରରେ ରାତି 8 ଟାରୁ ଆରମ୍ଭ ହେବ । ଏହା ପରେ ଦ୍ୱିତୀୟ, ତୃତୀୟ ଏବଂ ଚତୁର୍ଥ ଟି -20 ମ୍ୟାଚ୍ ନଭେମ୍ବର 10, 13 ଏବଂ 15 ରେ ଖେଳାଯିବ । ଦ୍ବିତୀୟ ମ୍ୟାଚ ସେଣ୍ଟ ଜର୍ଜଙ୍କ ଓଭାଲ, ତୃତୀୟ ମ୍ୟାଚ ସୁପର ସ୍ପୋର୍ଟ୍ସ ପାର୍କ ଏବଂ ଅନ୍ତିମ ମ୍ୟାଚ ୱାଣ୍ଡେରାଲ ଷ୍ଟାଡିୟମରେ ଖେଳାଯିବ । ଏହି ସିରିଜର ମ୍ୟାଚ୍ ଭାରତୀୟ ସମୟ ଅନୁଯାୟୀ ରାତି 8 ଟାରେ ଖେଳାଯିବ ।
Repeat or redemption? 🔄
— JioCinema (@JioCinema) November 4, 2024
Witness the World T20I Champions take on the Proteas in a thrilling T20I series 🔥 Catch all the action LIVE from November 8 on #JioCinema & #Sports18 👈#SAvIND #JioCinemaSports pic.twitter.com/5HduEPUaOJ
ଏହା ମଧ୍ୟ ପଢନ୍ତୁ-ତୃତୀୟ ଟି20ରେ ରେକର୍ଡ ବର୍ଷା; ହାଇଦ୍ରାବାଦରେ ଅନେକ ରେକର୍ଡ କଲା ଟିମ୍ ଇଣ୍ଡିଆ
ଏହା ମଧ୍ୟ ପଢନ୍ତୁ-ରଣଜୀ ଟ୍ରଫି ପରେ ଆଉ ୱିକେଟ ପଛରେ ଦେଖାଯିବେନି ରିଦ୍ଧିମାନ, କ୍ରିକେଟକୁ କଲେ ବାଏ ବାଏ...
ଏହି ଚ୍ୟାନେଲରେ ମାଗଣା ଦେଖନ୍ତୁ ମ୍ୟାଚ:
ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଏହି ଟି 20 ମ୍ୟାଚ ଷ୍ଟାର ସ୍ପୋର୍ଟ୍ସରେ ପ୍ରସାରଣ ହେବ ନାହିଁ । ଲାଇଭ୍ ଷ୍ଟ୍ରିମିଂ ମଧ୍ୟ ଡିସ୍ନି ପ୍ଲସ୍ ହଟଷ୍ଟାରରେ ହେବ ନାହିଁ । ଆପଣ ଏହି ସିରିଜର ସମସ୍ତ ମ୍ୟାଚ୍ ଟେଲିକାଷ୍ଟକୁ ସ୍ପୋର୍ଟ୍ସ18 ନେଟୱାର୍କରେ ଲାଇଭ୍ ଦେଖି ପାରିବେ । ଲାଇଭ ଷ୍ଟ୍ରିମିଂ ଜିଓ ସିନେମା ଆପରେ ଦେଖି ପାରିବେ । ବିନା କୌଣସି ଦେୟରେ ମାଗଣାରେ ମ୍ୟାଚ ଦେଖିପାରିବେ ଖେଳ ପ୍ରେମୀ।
ଦକ୍ଷିଣ ଆଫ୍ରିକା ଗସ୍ତ ପାଇଁ ଭାରତୀୟ ଦଳ: ସୂର୍ଯ୍ୟକୁମାର ଯାଦବ (ଅଧିନାୟକ), ଅଭିଷେକ ଶର୍ମା, ସଞ୍ଜୁ ସାମସନ (ଓ୍ବିକେଟ କିପର), ରିଙ୍କୁ ସିଂ, ତିଲକ ବର୍ମା, ଜିତେଶ ଶର୍ମା (ଓ୍ବିକେଟ କିପର), ହାର୍ଦ୍ଦିକ ପାଣ୍ଡ୍ୟା, ଆକ୍ସର ପଟେଲ, ରମଣଦୀପ ସିଂ, ବରୁଣ ଚକ୍ରବର୍ତ୍ତୀ, ରବି ବିଷ୍ଣୋଇ, ବିଜୟକୁମାର, ଅଭେଶ ଖାନ, ୟଶ ଦୟାଲ ।
