संगमनेरमध्ये वडलांची गरज नाही मीच भरपूर, थोरातांच्या आव्हानावर सुजय विखेंचा पलटवार - Sujay Vikhe Vs Balasaheb Thorat

संगमनेर : Sujay Vikhe Vs Balasaheb Thorat : दक्षिण अहमदनगर लोकसभा मतदारसंघात अपयश मिळाल्यानंतर सुजय विखे पाटील विधानसभा निवडणूक लढवण्याच्या तयारीत आहेत. काही दिवसांपूर्वी सुजय विखेंनी विधानसभा निवडणूक लढवण्याचे संकेत दिले होते. तर मुलाने नाही तर वडिलांनी संगमनेरमध्ये विधानसभेची निवडणूक लढवावी, या बाळासाहेब थोरातांच्या आव्हानाला सुजय विखे पाटलांनी (Sujay Vikhe Patil) 'मीच भरपूर आहे वडिलांची आवश्यकता नाही' असं सडेतोड उत्तर दिलय.

विखेंनी केला पलटवार : काँग्रेस नेते आमदार बाळासाहेब थोरात (Balasaheb Thorat) यांनी सुजय विखेंची फिरकी घेत संगमनेरमध्ये तुमचं स्वागतच असल्याचं म्हटलं. तर त्याचबरोबर सुजय विखे नाहीतर त्यांच्या पिताश्रींनी संगमनेरमधून समोरासमोर लढावं अशी इच्छा व्यक्त केली. यावर सुजय विखेंनी देखील पलटवार करत थोरात इच्छा व्यक्त करणारे कोण? असा सवाल उपस्थित केलाय.