बुलढाण्यातून शिवसेनेचे संजय गायकवाड विजयी; म्हणाले, "कार्यकर्त्यांच्या बळावरच..." - MAHARASHTRA ASSEMBLY ELECTION 2024

बुलढाणा : बुलढाणा विधानसभा मतदारसंघातून शिवसेनेचे विद्यमान आमदार संजय गायकवाड विजयी झाले आहेत. त्यांची लढत शिवसेना (उबाठा) उमेदवार जयश्री शेळके यांच्याशी होती. विजयानंतर प्रसार माध्यमांशी संवाद साधत असताना संजय गायकवाड म्हणाले, "हा विजय मी माझ्या कार्यकर्त्यांच्या कष्टाला समर्पित करतो. कारण कार्यकर्त्यांच्या बळावरच माझा हा विजय झालाय. ही लढाई मी एकट्यानं लढली असून आमच्या मित्रांची आम्हाला काहीही मदत झाली नाही. परंतु, आमच्या कार्यकर्त्यांनी जिवाचं रान केलं. त्यामुळंच आम्ही निवडणूक जिंकलो. मात्र, जर थोड्याफार फरकानं आम्ही पराभूत झालो असतो तर बुलढाण्याचा सत्यानाश झाला असता. एका मतानं विजय काय आणि लाखानं विजय काय, शेवटी विजय हा विजयच असतो. जो जिंकला तोच सिकंदर असतो".