रावेर लोकसभा मतदारसंघात असंतोष, शरद पवारांची कार्यकर्त्यांशी चर्चा - Lok Sabha Election 2024

जळगाव Sharad Pawar : रावेर मतदारसंघातील उमेदवारीवरून नाराजी नाट्य समोर आलंय. त्यामुळं शरदचंद्र पक्षाचे अध्यक्ष शरद पवार आज जळगावात आले. यावेळी शरद पवार यांची पदाधिकाऱ्यांशी चर्चा केली. त्यानंतर त्यांनी पत्रकारांशी संवाद साधत भाजपावर जोरदार निशाना साधला. तसंच त्यांनी व्यक्तीक टीका करणाऱ्या मोदींचाही समाजार घेतला. रावेर लोकसभा निवडणुकीशी संबंधित महत्त्वाच्या घटनांबाबत कार्यकर्त्यांमध्ये नाराजी आहे. रावेरमध्ये भाजपामधून आलेल्या श्रीराम पाटील यांना उमेदवारी दिल्यानं भुसावळचे माजी आमदार संतोष चौधरी तसंच कार्यकर्त्यांमध्ये नाराजी आहे. ते या मतदारसंघातून खासदारकीसाठी इच्छुक होते. तशी इच्छाही त्यांनी व्यक्त केली होती. मात्र भाजपामधून आलेल्या श्रीराम पाटील यांची उमेदवारी जाहीर झाल्यानं ते नाराज झाले. शरद पवार यांच्यासोबत झालेल्या बैठकीत रावेर लोकसभेचे उमेदवार श्रीराम पाटीलही उपस्थित होते.