हैदराबाद :सॅमसंग 22 जानेवारी रोजी अनपॅक्ड कार्यक्रमात त्यांची प्रमुख गॅलेक्सी एस25 मालिका लाँच करणार आहे. या फ्लॅगशिप सीरीजमध्ये Samsung Galaxy S25, Galaxy S25+ and Galaxy S25 Ultra लाँच असे तीन फोन लॉंच केले जातील. पण फ्लॅगशिप सिरीजपूर्वी, कंपनी आणखी दोन स्वस्त फोनवर काम करत आहे. कंपनी पुढील काही दिवसांत परवडणाऱ्या 5जी सेगमेंटमध्ये हे फोन लाँच करू शकते.
गॅलेक्सी F06 5G आणि गॅलेक्सी M06 5G BIS प्रमाणपत्र
एका अहवालानुसार, दोन्ही सॅमसंग स्मार्टफोन्सना मॉडेल क्रमांक SM-E066B/DS आणि SM-M066B/DS सह BIS प्रमाणपत्रावर सूचीबद्ध केलं आहे. हे मॉडेल नंबर Galaxy F06 5G आणि Galaxy M06 5G च्या लाँचिंगचे संकेत आहेत. हे फोन अलीकडेच वाय-फायसह सूचीबद्ध केले होते. मॉडेल नंबरसोबत यात DS देखील नमूद आहे, जो ड्युअल सिमकचा संकेत देतोय.
त्यांच्याबद्दल प्रमाणपत्राबद्दल जास्त तपशील दिलेला नसला तरी, भारतात लाँच होण्याबद्दल एक संकेत आहे. सॅमसंग हे दोन्ही स्मार्टफोन गॅलेक्सी F05 5G आणि गॅलेक्सी M05 5G ची आवृत्ती म्हणून आणत आहे. जे गेल्या वर्षी सप्टेंबरमध्ये लाँच करण्यात आले होते. या बजेट फोनमध्ये 6.7 इंचाचा एचडी प्लस डिस्प्ले आहे. कामगिरीसाठी मीडियाटेक हेलियो जी85 प्रोसेसर देण्यात आला आहे. पॉवरसाठी, यात 5,000 mAh बॅटरी आहे, जी 25W वायर्ड चार्जिंगला सपोर्ट करते.
सॅमसंग गॅलेक्सी F05 चे स्पेसिफिकेशन्स
प्रोसेसर जलद मल्टीटास्किंग आणि सुधारित कामगिरीसाठी, हा सॅमसंग फोन मीडियाटेक हेलिओ G85 प्रोसेसरसह येतो. फोनमध्ये रॅम प्लस फीचरसह 8 जीबी पर्यंत रॅम आहे. स्टोरेजसाठी, फोनमध्ये 64 जीबी स्टोरेज आहे, जे 1 टीबी पर्यंत वाढवता येतं. गॅलेक्सी F05 फोनमध्ये 6.7-इंचाचा एचडी+ डिस्प्ले आहे. उत्कृष्ट फोटोग्राफी अनुभवासाठी फोनमध्ये 50 मेगापिक्सेलचा ड्युअल कॅमेरा सेटअप आहे. चांगल्या स्पष्टतेसाठी फोनमध्ये 2 मेगापिक्सेलचा डेप्थ सेन्सिंग कॅमेरा आहे. उच्च दर्जाच्या सेल्फीसाठी फोनमध्ये 8 मेगापिक्सेलचा फ्रंट कॅमेरा आहे.
हे वाचलंत का :
- महिंद्रा XEV 9e, BE 6 ला BNCAP क्रॅश टेस्टमध्ये 5 स्टार रेटिंग
- Realme 14 Pro+ 5G आणि Realme 14 Pro 5G स्मार्टफोन लाँच, किंमत आणि फिचरसह संपूर्ण माहिती
- Samsung Galaxy S25 series ची भारतात 'इतकी' असेल किंमत, जाणून घ्या डिझाइन, फीचरसह सर्व काही
