सॅमसंग गॅलेक्सी ट्राय फोल्ड फोन 2026 मध्ये लॉंच होणार?, कसा असेल फोन जाणून घ्या..

सॅमसंग 2026 च्या सुरुवातीला आपला बहुप्रतिक्षित Galaxy Tri Fold स्मार्टफोन लॉंच करण्याची शक्यता आहे. या डिव्हाइसमध्ये तीन स्क्रीन असण्याची अपेक्षा आहे.

हैदराबाद : सॅमसंगनं फोल्डेबल फोन सेगमेंटवर आधीपासूनच वर्चस्व गाजवलं आहे. आता ब्रँड पुन्हा एकदा फोल्डेबल फोन सेगमेंटमध्ये नविन फोन लॉंच करण्यासाठी तयार आहे. टेक्नॉलॉ़जी विश्लेषक रॉस यंग यांनी शेअर केलेल्या माहितीनुसार, सॅमसंग 2026 च्या सुरुवातीला आपला बहुप्रतिक्षित Galaxy Tri Fold स्मार्टफोन लॉनं करणार आहे. या डिव्हाइसमध्ये तीन स्क्रीन असतील, असा त्यांनी दावा केलाय. Samsung चे Galaxy Z Fold आणि Galaxy Z Flip सीरीजचे स्मार्टफोन जगभरात आधीच खूप लोकप्रिय आहेत, त्यामुळे ट्राय-फोल्ड फोन आणणं कंपनीसाठी एक महत्त्वाचं पाऊल असू शकतं.

सॅमसंगचा ट्राय फोल्ड फोन कधी होईल लॉंच : टेक्नॉलॉजी विश्लेषक रॉस यंग यांनी सोशल मीडिया प्लॅटफॉर्म X वर अलीकडील पोस्टमध्ये फोनची टाइमलाइन उघड केली. त्यानं सांगितलं की ट्रिपल-फोल्डिंग डिव्हाइस Samsung च्या आगामी Galaxy Z Fold 7 आणि Galaxy Z Flip 7 नंतर लवकरच लॉंच होण्याची अपेक्षा आहे.

मुख्य स्क्रीन आकार 9-10 इंच असेल : सॅमसंगच्या ट्राय-फोल्ड स्मार्टफोनमधील मुख्य डिस्प्लेचा आकार 9 ते 10 इंचाच्या दरम्यान असेल, तर फोल्ड केल्यावर त्याचा आकार आयताकृती असेल. डिव्हाइसमध्ये एक अद्वितीय फोल्ड करण्यायोग्य डिझाइन असण्याची शक्यता आहे, ज्यामध्ये तीन स्क्रीन आहेत, ज्यासाठी सॅमसंगला नुकतेच यूएस पेटंट आणि ट्रेडमार्क कार्यालयानं पेटंट मंजूर केलं आहे. सॅमसंग कंपनी जगभरात ट्राय-फोल्ड डिव्हाइस लॉंच करून नवा इतिहास रचू शकते. ती Huawei च्या सध्याच्या फोनपेक्षा वेगळे फीचर देऊ शकते. फोल्ड करण्यायोग्य स्मार्टफोन श्रेणी विकसित होत असताना, Galaxy Tri Fold ची ग्राहक मात्र आतुरतेनं वाट पाहताय.

हे वचालंत का :