हैदराबाद : इंस्टाग्रामने नवीन डीएम फीचर्स सादर केलंय. यात तुम्हाला फोटो आणि व्हिडिओ-शेअरिंग, सोशल नेटवर्क, इंस्टाग्राम त्यांच्या डायरेक्ट मेसेजिंग (डीएम) सिस्टीमसह अनेक नवीन फीचर्स मिळताय. ही वैशिष्ट्ये सुरुवातीला आयओएस आणि अँड्रॉइड वापरकर्त्यांसाठी उपलब्ध असतील.
"मित्र आणि कुटुंबाशी संपर्क साधणे सोपे आणि अधिक मजेदार बनवण्यासाठी आम्ही Instagram DM मध्ये अपडेट्स सादर करत आहोत. मेसेज ट्रान्सलेशन, म्युझिक स्टिकर्स, शेड्यूल केलेले मेसेज, पिन केलेले कंटेंट आणि ग्रुप चॅट QR कोडसह, DM द्वारे कनेक्ट करणे आणखी सोपं झालं आहे." - Instagram
नवीन वैशिष्ट्ये
इंस्टाग्रामनं एक संगीत-सामायिकरण वैशिष्ट्ये सादर केलं आहे. जागतिक सेलिब्रिटी जेनी आणि ड्यूश यांच्या मदतीनं हे वैशिष्ट्ये लाँच करण्यात आलं आहे. त्यांनी हे वैशिष्ट्ये त्यांच्या प्रसारण चॅनेलवर शेअर केलं आहे. हे फीचर वापरण्यासाठी, वापरकर्ते चॅट कंपोझरमधील स्टिकर बटणावर टॅप करू शकतात. त्यानंतर त्यांना आवडणारे 'संगीत' निवडू शकतात. तिथून, ते गाणी शोधू शकतात आणि ग्रुप चॅट्स किंवा ब्रॉडकास्ट चॅनेलमध्ये इंस्टाग्रामच्या म्युझिक लायब्ररीमधून 30-सेकंदांचे प्रिव्ह्यू शेअर करू शकतात.
99 भाषांना समर्थन
आणखी एक नवीन भर म्हणजे पाठवलेले किंवा प्राप्त झालेले संदेश वेगवेगळ्या भाषांमध्ये भाषांतरित करण्याचा पर्याय यामध्ये देण्यात आला आहे. लाँचच्या वेळी 99 भाषांना या फीचरनं समर्थन दिलंय. याव्यतिरिक्त, इंस्टाग्राम आता वापरकर्त्यांना संदेशाला (Message) दीर्घकाळ दाबून ठेवल्यानंतर 'पिन' करण्याचा पर्याय देतं. चॅटच्या शीर्षस्थानी संदेश, प्रतिमा, मीम्स किंवा रील्स पिन करण्याची परवानगी या फीचरमुळं मिळतेय. सुलभ संदर्भासाठी प्रत्येक जास्तीत जास्त तीन संदेश पिन केले जाऊ शकतात.
मेसेजेस शेड्यूल करता येणार
वापरकर्ते मेसेजेस शेड्यूल करण्यास देखील सक्षम असतील, हे वैशिष्ट्य Apple च्या iMessage सारखेच आहे. 'पाठवा' बटण जास्त वेळ दाबून ठेवून, ते संदेश (Send) पाठवण्याची तारीख आणि वेळ निवडू शकतात, तसंच ते 29 दिवस आधी मॅसेज शेड्यूल करून ठेऊ शकता. दरम्यान, इंस्टाग्रामनं क्यूआर कोडद्वारे मित्रांना ग्रुप चॅटमध्ये आमंत्रित करण्याची पद्धत सुरू केली आहे. आमंत्रण लिंकवरून, वापरकर्ते 'क्यूआर कोड' पर्याय निवडू शकतात, जो शेअर शीटद्वारे थेट शेअर केला जाऊ शकतो.
हे वाचलंत का :
