हैदराबाद Lava Yuva Smart Launched :लावानं त्यांच्या युवा मालिकेतील नवीनतम बजेट स्मार्टफोन लाँच केला आहे. लावा युवा स्मार्ट हा कंपनीचा नवीनतम बजेट 4G स्मार्टफोन आहे. त्यात 5000mAh मोठी बॅटरी, 13MP कॅमेरा, 6.75 इंच HD+ स्क्रीन सारखे वैशिष्ट्ये आहेत. लावा युवा स्मार्टमध्ये काय खास आहे? लावाच्या या नवीनतम स्मार्टफोनची किंमत आणि वैशिष्ट्यांशी संबंधित माहिती बातमीत जाणून घ्या...
लावा युवा स्मार्ट स्पेसिफिकेशन
लावा युवा स्मार्ट (720 x 1600 पिक्सेल) HD + LCD स्क्रीन देण्यात आली आहे. स्क्रीनचा रिफ्रेश रेट 60 Hz आहे. फोनच्या संरक्षणासाठी 2.5D ग्लास देण्यात आला आहे. डिव्हाइसमध्ये ऑक्टा-कोर 28nm UNISOC 9863A प्रोसेसर आहे. ग्राफिक्ससाठी PowerVR GE8322GPU देण्यात आला आहे. या लावा हँडसेटमध्ये 3GB रॅम आणि 64 GB इनबिल्ट स्टोरेज आहे. मायक्रोएसडी कार्डद्वारे स्टोरेज वाढवता येते.
13 मेगापिक्सेलचा प्रायमरी रिअर कॅमेरा
हा लावा फोन अँड्रॉइड 14 गो एडिशनसह येतो. युवा स्मार्टमध्ये ड्युअल सिम सपोर्ट उपलब्ध आहे. फोटोग्राफीसाठी, लावा युवा स्मार्टमध्ये १३ मेगापिक्सेलचा प्रायमरी रिअर कॅमेरा आहे. फोनमध्ये एलईडी फ्लॅशसह सेकंडरी एआय सेन्सर देखील आहे. एचडीआर, पोर्ट्रेट आणि नाईट मोड सारखे कॅमेरा फीचर्स आहेत. या हँडसेटमध्ये ५-मेगापिक्सेलचा फ्रंट कॅमेरा आहे. डिव्हाइसमध्ये एजवर फिंगरप्रिंट स्कॅनर आहे.