हैदराबाद : भारतात इन्फिनिक्स स्मार्ट 9 एचडी स्मार्टफोन लाँच झाला आहे. कंपनीचा हा नवीन स्मार्टफोन एक एंट्री लेव्हल फोन आहे. त्याची किंमत 7 हजार रुपये ठेवण्यात आली आहे. फोनमध्ये ड्युअल स्टीरिओ स्पीकर्स दिले आहेत. यासोबतच, ऑक्टा-कोर मीडियाटेक हेलियो जी50 प्रोसेसर देखील यात देण्यात आला आहे. फोटोग्राफीसाठी, या स्मार्टफोनमध्ये 13 मेगापिक्सेलचा प्रायमरी कॅमेरा आहे.
Time aa gaya hai SWAG se SOLID hone ka!
— Infinix India (@InfinixIndia) January 28, 2025
The Infinix SMART 9HD is here at just ₹6,199*!
Sale begins 4th Feb.
Check it out: https://t.co/Vxp66p1VFU pic.twitter.com/rq9onnwqUH
इन्फिनिक्स स्मार्ट 9 एचडी ची भारतातील किंमत
कंपनीच्या नवीन स्मार्ट 9 लाइनअपमधील हा पहिला स्मार्टफोन आहे. हा नवीन फोन डिसेंबर 2023 मध्ये लाँच झालेल्या स्मार्ट8 एचडीला अपग्रेड म्हणून लाँच करण्यात आला आहे. नवीन फोनमध्ये 90 हर्ट्झ रिफ्रेश रेटसह 6.7 इंचाची एचडी+ स्क्रीन आहे. मीडिया वापरासाठी, फोनमध्ये ड्युअल स्टीरिओ स्पीकर्स आणि डीटीएस ऑडिओ प्रोसेसिंग आहे. कंपनीनं म्हटलं आहे की, स्मार्ट 9 एचडीला आयपी54 रेटिंग आहे, ज्यामुळं तो स्प्लॅश प्रतिरोधक बनते. भारतात इन्फिनिक्स स्मार्ट 9 एचडीची किंमत 6,699 रुपये आहे. मात्र, हा खास फोन डे वन ऑफर अंतर्गत ते 6,1999 रुपयांना उपलब्ध असेल. हा फोन 4 फेब्रुवारीपासून फ्लिपकार्टवर चार रंगांमध्ये खरेदीसाठी उपलब्ध असेल. यात तुम्हाला मिंट ग्रीन, कोरल गोल्ड, निओ टायटॅनियम आणि मेटॅलिक ब्लॅक.
इन्फिनिक्स स्मार्ट 9 एचडीचे स्पेसिफिकेशन्स
इन्फिनिक्स स्मार्ट 9 एचडी मध्ये 6.7 इंचाचा एचडी+ स्क्रीन आहे, ज्याचा रिफ्रेश रेट 90 हर्ट्झ आहे. ब्राइटनेस 500 निट्स आहे. यात एक होल-पंच कटआउट आहे, ज्यामध्ये फ्रंट कॅमेरा आहे. कंपनीचं म्हणणे आहे की फोनमध्ये DTS ऑडिओ प्रोसेसिंग आणि साउंड बूस्ट तंत्रज्ञानासह ड्युअल स्पीकर आहेत. हा फोन 165.7 x 77.1 x 8.35 मिमी असून त्याचं वजन 188 ग्रॅम आहे. हा फोन 2.2GHz च्या पीक क्लॉक स्पीडसह ऑक्टा-कोर मीडियाटेक हेलियो G50 प्रोसेसरवर चालते. चिपसेटमध्ये 6 जीबी पर्यंत रॅम (3 जीबी फिजिकल + 3 जीबी व्हर्च्युअल) आणि 64 जीबी ऑनबोर्ड स्टोरेज आहे. येथील स्टोरेज मायक्रोएसडी कार्डद्वारे 1 टीबी पर्यंत वाढवता येते. हे अँड्रॉइड 14 गो एडिशनवर चालतो, जो कमी स्पेसिफिकेशन असलेल्या हँडसेटसाठी ऑप्टिमाइझ केलेला आहे.
13-मेगापिक्सेल ड्युअल रियर कॅमेरा
फोटोग्राफीसाठी, इन्फिनिक्स स्मार्ट 9 एचडीमध्ये क्वाड एलईडी आणि झूम फ्लॅशसह 13-मेगापिक्सेल ड्युअल रियर कॅमेरा युनिट आहे. लेन्स मागील पॅनलवरील कॅमेरा आयलंडमध्ये उभ्या रचलेल्या आहेत. यात एलईडी फ्लॅश आणि स्क्रीन फ्लॅश वैशिष्ट्यांव्यतिरिक्त सेल्फी आणि व्हिडिओ कॉलसाठी 8-मेगापिक्सेलचा फ्रंट कॅमेरा देखील आहे. कॅमेरा सिस्टीम फोटोग्राफीसाठी सौंदर्य आणि पोर्ट्रेट मोड देतो.
5000 एमएएच बॅटरी
या फोनमध्ये 5000 एमएएच बॅटरी आहे, जी 14.5 तासांपर्यंत व्हिडिओ प्लेबॅक आणि 8.6 तासांपर्यंत गेमिंग खेळण्यास सक्षम आहे. कंपनीनं एआय चार्ज प्रोटेक्शन फीचर प्रदान केले आहे, जे डिव्हाइसला जास्त चार्जिंगपासून वाचवतं आणि बॅटरीचे आरोग्य जास्त काळ टिकवतं, असा दावा केला जातो. इन्फिनिक्स स्मार्ट 9 एचडी वरील कनेक्टिव्हिटी पर्यायांमध्ये वाय-फाय, ब्लूटूथ, यूएसबी टाइप-सी आणि 3.5 मिमी हेडफोन जॅकचा समावेश आहे.
हे वाचलंत का :
