भारतीय हवाई दलाची ताकद वाढणार, सुखोई 30 साठी 240 एरो-इंजिन खरेदीला मंजुरी - Sukhoi 30 MKI aircraft

Sukhoi 30 MKI aircraft : सुरक्षा विषयक मंत्रिमंडळ समितीनं भारतीय वायुसेनेच्या सुखोई 30 MKI विमानांसाठी 240 AL-31FP एरो-इंजिनच्या खरेदीला मंजुरी दिली आहे. हिंदुस्तान एरोनॉटिक्स लिमिटेडनं यासाठी इंजिनं बनवेल. ज्याची किंमत 26 हजार कोटींहून अधिक असेल.

हैद्राबाद Sukhoi 30 MKI aircraft : केंद्रीय मंत्रिमंडळाच्या सुरक्षा समितीनं देशाचा संरक्षण विभाग बळकट करण्यासाठी महत्त्वपूर्ण निर्णय घेतला आहे. भारतीय हवाई दलानं आपल्या मुख्य लढाऊ विमान सुखोई-30 साठी 26 हजार कोटी रुपये खर्चून 240 एरो इंजिन खरेदी करण्याच्या प्रस्तावाला सोमवारी मंजुरी दिली. पंतप्रधान नरेंद्र मोदी यांच्या अध्यक्षतेखाली झालेल्या बैठकीत या प्रस्तावाला मंजुरी देण्यात आली.

240 एरो-इंजिन खरेदी : एका निवेदनात म्हटलं आहे की, या एरो-इंजिनची डिलिव्हरी एक वर्षानंतर सुरू होईल. हवाई दलाच्या सुखोई 30 MKI लढाऊ विमानांसाठी हिंदुस्तान एरोनॉटिक्स लिमिटेडकडून खरेदी श्रेणी अंतर्गत 240 एरो-इंजिन (AL-31 FP) खरेदी केली जातील. या विमानांच्या खरेदीसाठी सर्व कर आणि शुल्कासह 26 हजार कोटी रुपयांपेक्षा जास्त खर्च येईल.

54 टक्क्यांहून अधिक स्वदेशी पार्ट : संरक्षण मंत्रालयानं जारी केलेल्या निवेदनात, म्हटलं आहे की, या इंजिनांमध्ये 54 टक्क्यांहून अधिक स्वदेशी बनावटीचे पार्ट असतील. एचएएलच्या कोरापुट विभागात या पार्टचं उत्पादन केलं जाईल. सुखोई-30 विमान हे हवाई दलातील सर्वात शक्तिशाली विमान आहे. HAL कडून या एरो-इंजिनचा पुरवठा हवाई दलाच्या ताफ्याच्या गरजा पूर्ण करेल. त्यामुळं देशाची संरक्षण क्षमता अणखी मजबूत होईल.

3 हजार किलोमीटरपर्यंत हल्ला करण्यास सक्षम : सुखोई 30 एमकेआयच्या वैशिष्ट्याबद्दल बोललो तर, ते रशियन बनावटीचं ट्विन सीटर ट्विन इंजिन मल्टीरोल फायटर जेट आहे. या जेटमध्ये 8 हजार किलो बाह्य शस्त्रास्त्रांसह एक 30 मिमी जीएसएच तोफा वाहून नेण्याची क्षमता आहे. हे विमान हवेतून जमिनीवर आणि हवेतून हवेत एकाच वेळी लक्ष्यांवर हल्ला करू शकतं. सुखोई30 एमकेआय 3 किलोमीटरपर्यंत हल्ला करण्यास सक्षम आहे. भारतीय हवाई दलाकडं 260 अधिक सुखोई 30 MKI फायटर विमान आहे.

हे वाचलंत का :