हैदराबाद :भारतातील आघाडीची दुचाकी उत्पादक TVS Motors नं TVS Apache RTR 160 4V ही 160 cc सेगमेंट बाइक अपडेटसह लॉंच केलीय. त्यात कोणत्या प्रकारची वैशिष्ट्ये आणि तांत्रिक बदल करण्यात आले आहेत? बाइक कोणत्या किंमतीला खरेदी करता येईल? या बातमीतून जाणून घेऊया...
TVS RTR 160 4V अपडेटसह लाँच : TVS Motors नं 160 cc नेकेड बाइक सेगमेंटमध्ये ऑफर केलेली TVS Apache RTR 160 4V बाइक एका अपडेटसह भारतीय बाजारात लॉंच केली आहे. कंपनीनं अपडेटमध्ये काही नवीन फीचर्स आणि तंत्रज्ञान जोडले आहे. TVS Apache RTR 160 4V बाईकमध्ये 159.7 cc क्षमतेचं ऑइल-कूल्ड फ्युएल इंजेक्टेड 4 वाल्व्ह इंजिन आहे. यामुळं, बाइकला 17.55 पीएस पॉवर आणि 14.73 न्यूटन-मीटर टॉर्क मिळतं.
काय आहेत फीचर : या दुचाकीत उत्तम फीचर्स देण्यात आले आहेत. ज्यामध्ये सेगमेंटमध्ये पहिला 37 मिमी USD फोर्क देण्यात आला आहे. याशिवाय बाइक चालवण्यासाठी स्पोर्ट, अर्बन आणि रेन असे तीन मोड देण्यात आले आहेत. बाईकमध्ये TVS SmartXonnect तंत्रज्ञान देण्यात आलं आहे. या तंत्रज्ञानासह, ब्लूटूथ कनेक्टिव्हिटी, टर्न-बाय-टर्न नेव्हिगेशन, कॉल आणि एसएमएस अलर्ट आणि व्हॉइस सहाय्य उपलब्ध आहे. बाईकमध्ये जीटीटी तंत्रज्ञान असून दुचाकी ट्रॅफिकमध्ये चालवणे सोपं होणार आहे. तसंच तुम्हाला ॲडजस्टेबल क्लच सुविधा यात मिळेल. सुरक्षेसाठी, बाइकला आरएलपी, एलईडी हेडलाइट आणि ड्युअल चॅनल एबीएससह टेल लॅम्पसह बुलपअप एक्झॉस्ट देण्यात आला आहे.