इंजेक्शन देऊन बेशुद्ध अवस्थेत अल्पवयीन मुलीवर बलात्कार; 2 वर्षानंतर आरोपीला अटक - Minor Girl Sexual Abuse

School Girl Sexual Abuse : अल्पवयीन मुलीला गुंगीचं ओैषध असलेलं इंजेक्शन देऊन तिच्यावर अत्याचार केल्याची धक्कादायक घटना उघडकीस आलीय. याप्रकरणी बंडगार्डन पोलिसांनी एका तरुणाला अटक केली असून आरोपी हा मुलीच्या नात्यातीलच आहे.

पुणे School Girl Sexual Abuse :राज्यात महिला आणि मुलींवरील अत्याचाराच्या घटना काही कमी होताना दिसत नाहीत. बदलापूरच्या घटनेमुळं संपूर्ण देश हादरलेला असताना राज्यातील विविध भागांमधून महिला अत्याचाराच्या घटना समोर येत आहेत. त्यातच आता पुण्यातील बंडगार्डन पोलीस स्टेशनच्या हद्दीत अशीच घटना घडल्याचं समोर आलय. दोन वर्षांपूर्वी नात्यातील एका तरुणानं 14 वर्षीय शाळकरी मुलीवर अत्याचार केल्याचं उघडकीस आलय. मुलीच्या आईनं केलेल्या तक्रारीवरुन गुन्हा दाखल करत 21 वर्षीय आरोपीला अटक करण्यात आली आहे.

नेमकं काय घडलं? : पोलिसांनी दिलेल्या माहितीनुसार, हा संपूर्ण प्रकार दोन वर्षांपूर्वी घडलाय. त्यावेळी पीडित मुलगी ही इयत्ता सहावीमध्ये शिकत होती. आरोपी तरुणानं पीडित मुलीच्या दंडावर इंजेक्शन देऊन तिला बेशुद्ध केलं. त्यानंतर तिच्यासोबत शरीर संबंध ठेवले. एवढंच नाही तर हे करत असताना आरोपीनं फोटो देखील काढले. त्यानंतर यासंदर्भात कोणाला सांगितलं तर फोटो व्हायरल करण्याची धमकी त्यानं मुलीला दिली.

'गुड टच बॅड टच' उपक्रमामुळं अत्याचाराला वाचा : पीडित मुलगी ज्या शाळेत शिक्षण घेते त्या शाळेत काही दिवसांपूर्वी 'गुड टच बॅड टच' उपक्रमाचं आयोजन करण्यात आलं होतं. या उपक्रमामुळं पीडित मुलीला काहीसा धीर आला आणि तिनं तिच्या शिक्षकांना तिच्यासोबत दोन वर्षांपूर्वी घडलेला प्रकार सांगितला. त्यानंतर याची दखल घेत शिक्षकांनी मुलीच्या कुटुंबीयांना बोलावून यासंदर्भातील माहिती दिली. याप्रकरणी तरुणीच्या आईनं बंडगार्डन पोलीस ठाण्यात तक्रार दाखल केली. त्यानंतर आरोपी तरुणाला अटक करण्यात आली. तर या सर्व घटनेचा तपास बंडगार्डन पोलीस करत असल्याची माहिती डीसीपी स्मार्थना पाटील यांनी दिली.

हेही वाचा -