शॅम्पू आणि हॅन्ड लिक्विड बाटलीत सापडलं 20 कोटींचं कोकेन; मुंबई विमानतळावरून परदेशी महिलेला ठोकल्या बेड्या - Cocaine Seized

Cocaine Seized : केनियाच्या नैरोबीहून येत असलेल्या या महिला प्रवाशाला महसूल गुप्तचर संचालनालयाच्या (डीआरआय) पथकानं विशिष्ट गुप्त माहितीच्या आधारे अटक केली आहे. महिलेकडून एकूण 1,983 ग्रॅम स्निग्ध द्रवपदार्थ जप्त करण्यात आला.

मुंबई Cocaine Seized :आंतरराष्ट्रीय विमानतळावर 20 कोटी रुपयांचं कोकेन जप्त करण्यात आलं आहे. महसूल गुप्तचर संचालनालयाच्या (डीआरआय) अधिकाऱ्यांनी 20 कोटी रुपयांच्या कोकेनची तस्करी केल्याप्रकरणी नैरोबीहून आलेल्या केनियाच्या महिला प्रवाशाला अटक केली आहे. द्राव्य स्वरूपात कोकेनची तस्करी सुरू होती. शॅम्पू आणि हॅन्ड लिक्विड बाॅटल्समधून कोकेनची तस्करी केली जात होती. याप्रकरणी नैरोबी येथून आलेल्या महिला प्रवाशाला अटक करण्यात आलीय.

गुप्त माहितीच्या आधारे डीआरआय अधिकाऱ्यांनी या महिलेला ताब्यात घेतलं आहे. महिलेकडे असलेल्या सामानाची कसून तपासणी केली असता अधिकाऱ्यांना धक्का बसला. डीआरआयच्या अधिकाऱ्यांनी महिलेकड एक संशयास्पद पदार्थ सापडला. तपासणी केली असता डीआरआयच्या अधिकाऱ्यांना महिलेच्या बॅगेत दोन शॅम्पू आणि हॅन्ड लिक्विडच्या बाॅटल सापडल्या. या बाॅटल्समध्ये 1983 ग्रॅम वजनाचं चिकट द्रव आढळून आलं. या द्रव्याची चाचणी केल्यावर हा चिकट पदार्थ नार्कोटिक ड्रग्स अँड सायकोट्रॉपिक सबस्टन्सेस कायदा, 1985 अंतर्गत बंदी घालण्यात आलेले कोकेन असल्याचं समोर आलं. जप्त केलेल्या कोकेनची बाजारपेठेत अंदाजे किंमत 20 कोटी इतकी आहे.

• 2022 मध्ये 13 कोटी रुपयांचं ब्लॅक कोकेन जप्त :अंमली पदार्थ तस्करांनी यापूर्वीही मुंबईत कोकेनची तस्करी करण्याचा प्रयत्न केला होता. नार्कोटिक्स कंट्रोल ब्युरो (NCB) च्या अधिकाऱ्यांनी 2022 मध्ये मुंबई विमानतळावर बोलिव्हियन महिलेकडून 13 कोटी रुपयांचं ब्लॅक कोकेन जप्त केलं होतं.

हेही वाचा