पुरुषोत्तम पुट्टेवार हिट अँड रन सुपारी किलिंग प्रकरण : 'एमएसएमई'चे संचालक प्रशांत पार्लेवार यांना अटक - Nagpur Hit And Run Murder Case

Nagpur Hit And Run Murder Case : संपत्तीच्या वादातून सुनेनं सासऱ्याची सुपारी देऊन हत्या केल्यानं मोठी खळबळ उडाली. या प्रकरणात उच्चपदस्थ अधिकारी असलेल्या सुनेच्या भावाचा सहभाग आढळून आल्यानं पोलिसांनी त्यांनाही अटक केली आहे. प्रशांत पार्लेवार असं त्यांचं नाव असून ते MSME विभागाचे संचालक पदावर कार्यरत आहेत.

नागपूर Nagpur Hit And Run Murder Case : पुरुषोत्तम पुट्टेवार यांचा हिट अँड रन सुपारी किलिंग प्रकरणात पोलिसांनी सूक्ष्म, लघु आणि मध्यम उद्योग विभागाचे (MSME ) संचालक प्रशांत पार्लेवार यांनाही अटक केली. प्रशांत पार्लेवार हे या प्रकरणातील मुख्य आरोपी आणि गडचिरोली नगर विकास सहायक संचालक असलेल्या अर्चना पुट्टेवार यांचे भाऊ आहेत. याप्रकरणी अजून काहीजण पोलिसांच्या रडावर असून त्यांनाही लवकर अटक होण्याची शक्यता वर्तवली जात आहे.

अर्चना पुट्टेवार (Reporter)

सुपारी किलरला लाखोंचं आमिष : पुरुषोत्तम पुट्टेवार हत्या प्रकरणात मास्टरमाइंड मुख्य आरोपी अर्चना पुट्टेवार आणि त्यांचा भाऊ प्रशांत पार्लेवार यांनी अगदी नियोजित पद्धतिनं हत्येचा कट रचला. आरोपींनी त्यांच्या घरातील चालक सार्थक बागडे, नीरज निमजे आणि सचिन धार्मिक यांना लाखो रूपायांचं आमिष दाखवून पुरुषोत्तम पुट्टेवार यांची कारनं चिरडून हत्या केली. आरोपींनी या कामात दोन कार आणि पाळत ठेवण्यासाठी दुचाकीचा वापर केला. ही सर्व वाहनं पोलिसांनी जप्त केली आहेत.

प्रशांत पार्लेवार (Reporter)

आरोपीला सुरू करायचा होता बार : पोलिसांनी अटक केलेल्या आरोपींपैकी सचिन धार्मिक याला स्वतःचा बार सुरू करायचा होता. मात्र त्याचा अर्ज वारंवार रद्द होत असल्याची माहिती आरोपी अर्चना पुट्टेवार आणि तिचा भाऊ प्रशांत पार्लेवार यांना होती. त्यांनी ही बाब हेरून सचिन धार्मिक याला बारचा परवाना आणि जागा मिळवून देण्याचं आमिष दिलं होतं, अशी माहिती देखील तपासात उघड झाली. महत्त्वाचं म्हणजे पुरुषोत्तम पुट्टेवार यांची हत्या झाल्यानंतर आरोपी सचिन धार्मिकनं 'बार'चा परवाना मिळवण्यासाठी नव्यानं अर्ज दाखल केला.

पुरुषोत्तम पुट्टेवार (Reporter)

काय आहे प्रकरण : सासऱ्याची कोट्यवधी रुपयांची संपत्ती केवळ आपल्यालाच मिळावी, या हेतूनं नागपुरात सुनेनं सासऱ्याची सुपारी देऊन हत्या केल्याची अत्यंत धक्कादायक घटना उघडकीस आली. पुरुषोत्तम पुट्टेवार असं हत्या झालेल्या व्यक्तीचं नाव आहे. या घटनेची मास्टरमाइंड अर्चना मंगेश पुट्टेवार या आहेत. त्या गडचिरोलीत टाऊन प्लॅनिंग विभागात उच्चपदस्थ अधिकारी आहेत. अर्चनान भाऊ प्रशांतच्या मदतीनं सासरे पुरुषोत्तम पुट्टेवार यांना भर रस्त्यामध्ये भरधाव कारनं चिरुडन हत्या केली. या घटनेनंतर तब्बल 18 दिवसानंतर हा प्रकार उघडकीस आला. त्यानंतर नागपूर पोलिसांनी अर्चना पुट्टेवार यांच्यासह त्यांचा भाऊ प्रशांत पार्लेवार आणि प्रत्यक्षात हत्याकांड घडणाऱ्या तीनही भाडोत्री सुपारी किलरला देखील अटक केली आहे.

हत्या करताना अपघाताचा रचला बनाव : नागपूर शहरातील बालाजी नगर परिसरात 22 मे रोजी पुरुषोत्तम पुट्टेवार यांचा अपघाती मृत्यू झाला. मात्र, हा अपघात नसून सुपारी किलिंग असल्याचं तपासात उघड झाल. पुरुषोत्तम पुट्टेवार यांची नागपुरात अनेक कोटीची संपत्ती आहे. पुरुषोत्तम आणि त्यांच्या मुलात संपत्तीचा वाद न्यायालयात सुरू होता. पुरुषोत्तम हे संपूर्ण संपत्ती दुसऱ्या मुलांना देतील, या भीतीनं सून अर्चना पुट्टेवार यांनी भाऊ प्रशांत पार्लेवार यांच्या मदतीनं सासऱ्याच्या हत्येचा कट रचला.

यापूर्वी दोन वेळा प्रयत्न फसला : मुख्य आरोपी अर्चनाच्या निर्देशावरून सार्थकनं दोनदा पुरुषोत्तम पुट्टेवार यांना मारण्याचा प्रयत्न केला. मात्र, त्यावेळी ते थोडक्यात वाचले होते. आरोपींनी त्यांचा कायमचा काटा काढण्याच्या उद्देशानं एक कार विकत घेतली. त्यानंतर 22 मे रोजी ती कार पुरुषोत्तम पुट्टेवारच्या अंगावर घालून त्यांची हत्या केली.

हत्याकांडात अर्चनासह 6 आरोपींचा सहभाग :"पुरुषोत्तम पुट्टेवार हत्या प्रकरणाची मास्टरमाइंड ही त्यांची सून अर्चना असून कामात अर्चनाचा भाऊ प्रशांत हा सहभागी आहे. प्रशांतनं सार्थक आणि अन्य आरोपींची मदत घेतली. याशिवाय अर्चनाची पर्सनल सेक्रेटरी पायल नागेश्वर हिचा देखील सहभाग आढळून आल्यानं पोलिसांनी एकूण सहा आरोपींना अटक केली आहे," अशी माहिती पोलीस आयुक्त रवींद्र सिंघल यांनी दिली आहे.

हेही वाचा :