Published : Jul 10, 2024, 7:42 AM IST
|Updated : Jul 10, 2024, 1:33 PM IST
'ईटीव्ही भारत महाराष्ट्र'चे हे लाईव्ह पेज दिवसभर अपडेट होत असते. या पेजवर राज्य, देश आणि विदेशातील महत्त्वाच्या ब्रेकिंग न्यूज तुम्हाला वाचता येतील. विश्वसनीय आणि ताज्या घडामोंडीसाठी ईटीव्ही भारतच्या वेबसाईटला नक्की भेट द्या.
LIVE FEED
एमसीए अध्यक्षपदाच्या निवडणुकीतून नाना पटोले यांची माघार
त्यांच्याऐवजी आता भूषण पाटील असणार उमेदवार
मुंबई क्रिकेट असोसिएशनच्या अध्यक्षपदाच्या निवडणुकीसाठी काँग्रेस नेते भूषण पाटील यांनी आज उमेदवारी अर्ज दाखल केला.
यावेळी काँग्रेस प्रदेशाध्यक्ष नाना पटोले उपस्थित होते.
वरळी हिट अँड रन प्रकरणातील मुख्य आरोपी मिहिर शाह याला 16 जुलैपर्यंत पोलीस कोठडी.
मुंबई - मुख्यमंत्री एकनाथ शिंदे यांनी केली कोस्टल रोडची पाहणी
मुंबईकरांना आता थेट एअरपोर्ट ते नरिमन पॉईंट अंतर काही मिनिटात गाठता येणार
कोस्टल रोडमुळे वरळीवरून वळसा मारून यावा लागतो ते अंतर वाचेल
सोबतच याला जोडूनच तब्बल 300 एकरचं जागतिक दर्जाचं सेंट्रल पार्क रेस कोर्सच्या मैदानात उभारण्यात येणार
मुंबईकरांना ऑक्सिजनची कमी जाणवते त्यांना देखील आरामाची गरज आहे
त्यासाठीच हे सेंट्रल पार्क उपयुक्त ठरेल
याची जागा बृहन्मुंबई महानगरपालिकेला हस्तांतरित करण्यात आली आहे
मुख्यमंत्री एकनाथ शिंदे यांची माहिती
ठाणे - ठाण्यातील पाचपाखाडी भागात एका चालत्या दुचाकीने घेतला अचानक पेट.
बाईक स्वार आणि एक व्यक्ती प्रवास करत होते
गाडीला आग लागताच दोघांनी पळ काढला
कोणालाही दुखापत नाही
घटनास्थळी अग्निशमन दलाकडून आग विझवण्यात आली
मोठ्या प्रमाणात गाडीचे नुकसान
शिवसेनेने वरळी हिट अँड रन प्रकरणातील आरोपी मिहिर शाहचे वडील राजेश शाह याची पक्षाच्या उपनेतेपदावरून हकालपट्टी केली. मुख्यमंत्री एकनाथ शिंदे यांच्या आदेशानंतर राजेश शाहला पदावरून मुक्त करण्यात आले.
वरळी हिट अँड रन प्रकरणातील आरोपी मिहीर शाह यानं जुहू येथील बारमध्ये दारू घेतल्याचा आरोप होत आहे. या बारच्या बाधंकामाचा अनधिकृत भाग मुंबई महानगरपालिकेनं बुलडोझरनं पाडला आहे. दुसरीकडं माजी मंत्री आदित्य ठाकरे यांनी अपघातामृत्यू झालेल्या कावेरी नाखवाचे पती प्रदीप नाखवा यांची भेट घेऊन सांत्वन केलं. मिहीर शाहच्या घरावर बुलडोझर चालविणार का? आरोपीला कोळीवाड्यात सोडा. मिहीर शाह हा राक्षस आहे.
विधानभवनात सत्ताधारी आणि विरोधकांमध्ये गदारोळ झाल्यानं विधानसभेचे कामकाज पाच मिनिटांसाठी तहकूब करण्यात आलं आहे. मराठा आरक्षण प्रश्नावर विरोधी पक्षांनी बैठकीला उपस्थित न राहण्यावरून सभागृहात गदारोळ झाला. सत्ताधाऱ्यांनी आणि महायुतीने राज्यात मराठा विरोधी ओबीसी वाद सुरू केल्याचा आरोप विधानसभेचे विरोधी पक्षनेते विजय वडेट्टीवार यांनी केला. तर विरोधी पक्ष केवळ राजकारण करत असल्याचा आरोप आशिष शेलार यांनी केला.
मुंबई उच्च न्यायालयाने पतंजली आयुर्वेद कंपनीला दणका दिला आहे. दुसऱ्या कंपनीने दाखल केलेल्या ट्रेडमार्क उल्लंघनाच्या प्रकरणात पतंजली कंपनीनं मुंबई उच्च न्यायालयाच्या आदेशाचं उल्लंघन केले. यावर मुंबई उच्च न्यायालयानं पतंजील कंपनीला 50 लाख रुपये जमा करण्याचे आदेश दिले आहेत.
ईडीने लोकप्रिय युट्यूबर एल्विश यादवला रेव्ह पार्टीच्या घटनेशी संबंधित मनी लाँड्रिंग प्रकरणावरून नोटीस बजाविली आहे. नोटीसनुसार एल्विश यादवला 23 जुलैला उत्तर प्रदेशच्या लखनौ-आधारित युनिटसमोर हजर राहावे लागणार आहे.
ऑनलाईन जुगार विरोधात आमदार बच्चू कडू यांनी मंत्रालय शेजारील महात्मा गांधी यांच्या पुतळ्यासमोर ऑफ लाईन जुगार खेळून आंदोलन केले. पोलिसांनी कारवाई करत त्यांना ताब्यात घेतले.
वरळी अँड रनमधील आरोपीच्या वडिलांचे दाऊदशी संबंध आहेत. आरोपीला तीन दिवस लपवून ठेण्यात आले होते. वरळी प्रकरणात आरोपीला पहिल्या दिवसापासून वाचविण्याचे प्रयत्न सुरू आहेत. आरोपीनं ड्र्ग्ज घेतले होते. हे ड्रग्जचे सेवन सापडू नये, म्हणून आरोपीला तीन दिवस लपविले होते. मुंबई पोलिसांच्या भूमिकेवर संशय येत आहे. पोलिसांना त्याचा हिशोब द्यावा लागेल. आरोपीला सुटला तर त्याला रस्त्यावर जाब विचारावा. एका निष्पाप महिलेला वारंवार चिरडले. असा आरोपी सुटू नये. राज्यात गुन्हेगारांना पाठिशी घालणारे सरकार आहे.
शिवसेना ठाकरे पक्षाचे खासदार संजय राऊत यांनी विधान परिषद निवडणुकीवरून भाजपावर जोरदार निशाणा साधला. खासदार राऊत म्हणाले, " क्रॉस व्होटिंगची सत्ताधाऱ्यांना सर्वाधिक भीती आहे. आम्हाला क्रॉस व्होटिंगची भीती नाही. महायुतीच्या अनेक आमदारांना भविष्याची भीती आहे. देवेंद्र फडणवीस यांनी सत्ता आणि यंत्रणेच्या बळावर घोडेबाजार केला. भाजपाने जादा दिलेले उमेदवार मागे घेऊन घोडेबाजार थांबवावा."
शिवाजी पार्कमधील एका झाडावर एक व्यक्ती झाडावर चढून अनोखे आंदोलन करत आहे. सेन्सर बोर्डानं एनओसीच्या नावावर पैसे मागितल्याचा त्यानं आरोप केला. प्रवीण कुमार मोहरे असे आंदोलकाचे नाव आहे. अग्निशमन दल घटनास्थळी दाखल झाले आहे.
मराठवाड्यातील पाच जिल्ह्यात भूकंपाचे सौम्य धक्के जाणवले आहेत. छत्रपती संभाजीनगर जिल्ह्यातील काही भागात भूकंपाचे सौम्य झटके जाणवले आहेत. परभणी, हिंगोली, बीड जिल्ह्यातील काही भागात सकाळी सात वाजण्याच्या सुमारास भूंकपाचे धक्के बसले आहेत. भूकंपाचे सौम्य धक्के जाणवताच नागरिकांमध्ये भीतीचे वातावरण आहे. हिंगोली जिल्ह्यात ४.५ रिस्टर स्केलच्या भूकंपाची नोंद झाली आहे.
जिल्ह्यात डबल डेकर बसनं टँकरला धडक दिल्यानं उत्तर प्रदेशमधील लखनौ-आग्रा एक्सप्रेसवेवर भीषण अपघात झाला. या अपघातात 18 जणांचा मृत्यू झाल्याची माहिती आहे. अपघाताची माहिती मिळताच वरिष्ठ अधिकाऱ्यांनी घटनास्थळी धाव घेतली. माहिती मिळताच पोलीसही दाखल झाले आहेत.पोलिसांनी गावकऱ्यांच्या मदतीने मदत आणि बचाव कार्य सुरू केले आहे.
पणजी- पावसाचा कोकण रेल्वेला फटका बसला आहे. गोव्यातील पेरनेम येथे बोगद्यात पाणी साचल्यानं कोकण रेल्वे मार्गावरील गाड्यांचा खोळंबा झाला. कोकण रेल्वे विभागाच्या माहितीनुसार रेल्वे वाहतूक रात्री १०.३४ वाजता पूर्ववत झाली. चार ते पाच गाड्या वेगवेगळ्या स्थानकांवर थांबवण्यात आल्या होत्या. दुपारी ३ वाजल्यापासून या गाड्या थांबविण्यात आल्याचं कोकण रेल्वे कॉर्पोरेशनचे उपमहाव्यवस्थापक बबन घाटगे यांनी सांगितलं.