महाराष्ट्र

maharashtra

ETV Bharat / state

अंध तरुणानं पिंपरी महापालिका आयुक्तांची फोडली गाडी, 'हे' सांगितलं कारण - Blind youth broke commissioner car - BLIND YOUTH BROKE COMMISSIONER CAR

Blind youth broke commissioner car : देशाच्या 78 व्या स्वातंत्र्यदिनी उत्साहाचं वातावरण असताना पिंपरी चिंचवड महापालिका आयुक्तांच्या गाडीची तोडफोड करण्यात आली. महापालिकेत ध्वजारोहण सुरू असतानाच आयुक्त शेखर सिंह यांच्या वाहनाची अंध तरुणानं तोडफोड केली. याप्रकरणी गाडी फोडणाऱ्या तरुणाला पोलिसांनी ताब्यात घेतलं आहे.

Vinayak Oval
विनायक ओव्हाळ (Etv Bharat Reporter)

By ETV Bharat Marathi Team

Published : Aug 15, 2024, 5:13 PM IST

पुणे (पिंपरी चिंचवड )Blind youth broke commissioner car: स्वातंत्र्यदिनी चक्क पिंपरी महापालिका आयुक्तांचीच गाडी फोडण्यात आली आहे. महापालिकेत ध्वजारोहण सुरू असताना एका अंध तरुणानं आयुक्त शेखर सिंह यांच्या वाहनाची फोडफोड केली. अटक करणाऱ्या पोलिसांनी आपल्याला मारहाण केल्याचा आरोपही या अंध तरुणानं केला आहे. महापालिका आयुक्त वारंवार आपलं काम करण्याचे टाळाटाळ करत असल्याचा अंध तरुणानं आरोप केला.

विनायक ओव्हाळ (Etv Bharat Reporter)

घटनेचा तपास सुरू :15 ऑगस्ट स्वातंत्र्यदिनी पिंपरी चिंचवडमध्ये कार्यक्रम सुरू असतानाच अंध व्यक्तीनं महापालिका आयुक्त शेखर सिंग यांच्या गाडीची तोडफोड केलीय. सदर व्यक्तीला ताब्यात घेण्यात आलं असून त्याला आणखी एक जण मदत करत असल्याची माहिती समोर. पिंपरी पोलिसांनी अंध तरुणाचा राग शांत करून घटनेचा तपास सुरू केलाय. विनायक सोपान ओव्हाळ (रा. काळेवाडी पिंपरी) असं या या तरुणाचं नाव आहे. "अनेक महिन्यांपासून महापालिका आयुक्तांना भेटण्यासाठी वेळ मागत आहे. पण, आयुक्त आम्हाला भेटत नाही. आम्ही त्यांची दिवसभर वाट पाहतो, असं तरुणाचं म्हणणं आहे." याचाच राग मनात धरून या तरुणानं गाडीची तोडफोड केल्याची माहिती पोलिसांनी दिली आहे.

आम्हाला अधूनमधून त्रास दिला जातो. आमचं एकही काम होत नाही. टपरीवरील अतिक्रमण काढण्याची कारवाई सातत्यानं सुरू आहे. गेल्या चार वर्षांपासून मी रमाई योजनेंतर्गत घराची मागणी करत आहे. मात्र, मला अद्याप लाभ मिळालेला नाही. माझ्या टपरीवर महापालिकेनं अतिक्रमणविरोधी कारवाई केली आहे.- विनायक ओव्हाळ

का फोडली आयुक्त शेखर सिंह यांची गाडी ?: अंध विनायक ओव्हाळ यांच्या माहितीनुसार ते गेल्या चार वर्षांपासून रमाई आवास योजनेच्या घराची मागणी करत आहेत. परंतु त्यांना वेळोवेळी पत्रव्यवहार करूनही योजनेपासून वंचित ठेवण्यात आलं आहे. ते आयुक्तांच्या केबिनबाहेर अनेक तास थांबतात. त्यांच्या उदरनिर्वाहासाठी असलेल्या टपरीवर वारंवार अतिक्रमण विभागाची कारवाई होत आहे. यातूनच रागाच्या भरात आयुक्तांची गाडी फोडल्याची त्यांनी कबुली दिलीय.

ABOUT THE AUTHOR

...view details