पॅरिस Paris Olympics 2024 :पॅरिस ऑलिम्पिक 2024 मधील भारतीय महिला टेबल टेनिस संघाची मोहीम संपुष्टात आली आहे. भारताचा जर्मनीकडून 1-3 असा पराभव झाला, यासह भारतीय त्रिकुट उपांत्यपूर्व फेरीतून बाहेर पडले. भारतीय संघाला उपांत्य फेरीत प्रवेश करण्याची सुवर्णसंधी होती. पण जर्मनीविरुद्धच्या पराभवानंतर ते 2024 च्या ऑलिम्पिकमधून बाहेर पडले आहेत.
पहिला गेम : भारतासाठी पहिला गेम अर्चना कामथ आणि श्रीजा अकुला यांनी जर्मनीच्या वान युआन आणि शान झियाओना विरुद्ध खेळला. या सामन्यात भारतीय जोडीचा 1-3 असा पराभव झाला. या सामन्यातील पहिल्या सेटमध्ये भारताचा 5-11 असा पराभव झाला. मात्र, भारतीय जोडीनं दुसऱ्या सेटमध्ये दमदार पुनरागमन करत 11-8 असा विजय मिळवला. यानंतर जर्मनीनं 10-11 आणि 6-11 नं विजय मिळवला.
दुसरा गेम : भारतासाठी मनिका बत्रा आणि जर्मनी कॉफमन ॲनेट यांनी दुसरा गेम खेळला. यात भारताला 1-3 नं पराभवाला सामोरं जावं लागलं होतं. या गेममध्ये भारतानं पहिला सेट 11-5 नं जिंकला पण उर्वरित तीन सेट अनुक्रमे 5-11, 7-11, 5-11 नं गमावले.