क्रिकेटच्या इतिहासात 'या' गोलंदाजांनी टाकला नाही एकही 'नो-बॉल'

आंतरराष्ट्रीय क्रिकेटच्या इतिहासात असे काही गोलंदाज आहेत ज्यांनी आपल्या संपूर्ण करियरमध्ये एकही नो बॉल टाकला नाही.

मुंबई Bowlers who never bowled No-Ball : गोलंदाज म्हटल्यावर नो-बॉल आलाच, क्रिकेटमध्ये फिक्सिंग सोडली तर कोणताच गोलंदाज नो-बॉल पडणार नाही याची काळजी घेतो. परंतु सामना दबावाचा असेल तर नकळत गोलंदाजाकडून नो-बॉल फेकला जातो. पण आंतरराष्ट्रीय क्रिकेटच्या इतिहासात असे काही गोलंदाज आहेत ज्यांनी आपल्या संपूर्ण करियरमध्ये एकही नो बॉल टाकला नाही. विशेष म्हणजे या यादीत भारताला पहिल्यांदा विश्वविजेता बनवणाऱ्या कपिल देव यांचाही समावेश आहे.

नो बॉल म्हणजे काय :क्रिकेटमध्ये गोलंजदाजांसाठी एक लाईन असते, चेंडू टाकताना ती पार केली नाही पाहिजे. जर गोलंदाजानं लाईन ओलांडली तर त्यानं फंलदजाला बाद केले असले तरी तो बाद ठरत नाही. त्याला परत खेळण्याची संधी मिळते. इतकंच नाहीतर त्याली फ्री-हिट मिळत, त्यावर फलंदाज आऊट होत नाही. (रन आऊट होऊ शकतो)

कपिल देव :भारताला पहिला वर्ल्ड कप जिंकून देणाऱ्या कपिल देवचा आज वाढदिवस आहे. त्यांनी आपल्या करियरमध्ये एकही नो बॉल टाकला नाही. 1978 मध्ये डेब्यू केलेल्या कपिल देवनं 131 कसोटीत 434 विकेट घेतल्या. तर 225 वन डे सामन्यात 253 विकेट आपल्या नावावर केल्या आहेत. भारतीय क्रिकेटच्या इतिहासात कपिल देवचं नाव सुवर्ण अक्षरात लिहिलं गेलं आहे.

कपिल देव (Getty Images)

डेनिस लिली : तसंच या यादीत क्रिकेटच्या इतिहासातील सर्वात धोकादायक गोलंदाजांपैकी एक असलेला ऑस्ट्रेलियन गोलंदाज डेनिस लिली याचंही नाव आहे. 13 वर्षांच्या करियरमध्ये डेनिस लिलीनं एकही नो बॉल टाकला नाही. त्यानं 355 कसोटी विकेट आणि 103 वनडे विकेट घेतल्या आहेत.

डेनिस लिली (Getty Images)

इयान बॉथम : इंग्लंडचा माजी अष्टपैलू खेळाडू इयान बॉथम याचाही समावेश आहे. महान अष्टपैलू खेळाडूंमध्ये इयान बॉथमची गणणा केली जाते. त्यानं कसोटीत 383 विकेट आणि वनडेममध्ये 145 विकेट घेतल्या आहेत. त्यानं आपल्या करियमध्ये एकूण 27,502 चेंडू टाकले पण त्यातील एकही नो बॉल टाकला नाही.

इम्रान खान :पाकिस्तानचा माजी कर्णधार आणि वेगवान गोलंजदाज इम्रान खान याचाही यात समावेश आहे. पाकिस्तानला वर्ल्ड कप जिंकून देणाऱ्या इम्रान खान यानंही आपल्या करियरमध्ये एकही नो-बॉल टाकला नाही. क्रिकेच्या तिन्ही फॉरमॅटमध्ये त्यानं एकूण 18,644 चेंडू टाकले पण त्यामध्ये एकही नो-बॉल टाकला नाही. इम्रान खान यानं 88 कसोटीमध्ये 362 विकेट्स घेतल्या आहेत. तर वनडे मध्ये 182 विकेटही घेतल्यात. कसोटीत त्यानं 18644 आणि वनडे मध्ये 7447 चेंडू फेकले आहेत.

इम्रान खान (Getty Images)

लान्स गिब्स : वेस्ट इंडिजचा माजी क्रिकेटपटू लान्स गिब्सनंही आपल्या कारकिर्दीत एकही नो बॉल टाकला नाही. या ऑफस्पिनरनं वेस्ट इंडिजसाठी 79 कसोटी आणि 3 वनडे सामने खेळले, ज्यात त्यानं एकूण 311 विकेट घेतल्या. एकही नो-बॉल न टाकणारा तो जगातील एकमेव फिरकी गोलंदाज आहे.

हेही वाचा :