शारजाह AUSW vs NZW Live Streaming :ICC महिला T20 विश्वचषकाचा 10 वा सामना आज म्हणजेच 8 ऑक्टोबर रोजी ऑस्ट्रेलिया महिला राष्ट्रीय क्रिकेट संघ विरुद्ध न्यूझीलंड महिला राष्ट्रीय क्रिकेट संघ यांच्यात होणार आहे. उभय संघांमधील हा सामना शारजाहमधील शारजाह क्रिकेट स्टेडियमवर भारतीय वेळेनुसार संध्याकाळी 7.30 वाजता खेळला जाईल.
दोन्ही संघाची विजयी सुरुवात : ऑस्ट्रेलियन संघानं T20 विश्वचषकातील आपल्या मोहिमेची सुरुवात विजयानं केली आहे. पहिल्या सामन्यात ऑस्ट्रेलियानं श्रीलंकेचा 6 विकेट्सनं पराभव केला होता. अशा स्थितीत ऑस्ट्रेलियन संघाला न्यूझीलंडविरुद्धच्या स्पर्धेत दुसरा विजय नोंदवायचा आहे. दुसरीकडं, न्यूझीलंडनंही आपल्या मोहिमेची सुरुवात विजयानं केली आणि पहिल्या सामन्यात भारताचा 58 धावांनी पराभव केला. अशा स्थितीत ऑस्ट्रेलियाचा पराभव करुन स्पर्धेत दुसरा विजय नोंदविण्याकडे न्यूझीलंडचं लक्ष असेल. परणामी दोन्ही संघांमध्ये रोमांचक सामना पाहायला मिळणार आहे.
न्यूझीलंडचा विजय भारतासाठी महत्त्वाचा : विशेष म्हणजे ज्या संघाविरुद्ध पहिल्या सामन्यात पराभव पत्करावा लागला होता त्याच संघाला आज भारतीय संघ सपोर्ट करताना दिसणार आहे. उपांत्य फेरी गाठण्यासाठी किवी संघाला विजयाची गरज आहे. खरं तर, भारतीय संघानं महिला T20 विश्वचषकाच्या गट टप्प्यातील आपले उर्वरित सामने जिंकले तरी उपांत्य फेरी गाठण्याची शाश्वती नाही. अशा समीकरणामागील मुख्य कारण म्हणजे संघाचा खराब नेट रन रेट -1.217 आहे. मात्र आजचा सामना किवी संघानं जिंकल्यास भारताला फायदा होऊ शकतो.
हेड-टू-हेड रेकॉर्ड कसा : यापूर्वी ऑस्ट्रेलिया महिला विरुद्ध न्यूझीलंड महिला यांच्यात नेहमीच अटीतटीचे सामने झाले आहेत. पण सहा वेळा महिला T20 विश्वचषक विजेत्या ऑस्ट्रेलियाचा न्यूझीलंडविरुद्ध वरचष्मा दिसत आहे. T20 मध्ये दोन्ही संघ 52 वेळा आमनेसामने आले आहेत. ज्यात ऑस्ट्रेलियानं 28 सामने जिंकले आहेत. तर न्यूझीलंडनं 21 वेळा विजय मिळवला आहे. याशिवाय एक सामना निकालाविना संपला. 2006 मध्ये खेळलेला त्यांचा पहिला सामना अनिर्णित राहिला.
खेळपट्टीचा अहवाल कसा असेल : शारजाह क्रिकेट स्टेडियमची खेळपट्टी फलंदाजीसाठी चांगली मानली जाते. या मैदानावर फिरकीपटूंनाही चांगली मदत मिळते. या खेळपट्टीवर गोलंदाजी करताना संथ वळण घेणाऱ्या गोलंदाजांचा वरचष्मा असतो. मात्र मैदान लहान असल्यानं त्याचा फायदा फलंदाजही घेऊ शकतात. या खेळपट्टीवर पहिल्या डावातील सरासरी धावसंख्या 135 धावांची आहे. इथं नाणेफेक जिंकून प्रथम फलंदाजी करण्याचा निर्णय योग्य असू शकतो.
- ICC महिला T20 विश्वचषक 2024 चा ऑस्ट्रेलिया महिला विरुद्ध न्यूझीलंड महिला सामना कधी खेळला जाईल?
ICC महिला T20 विश्वचषक 2024 चा ऑस्ट्रेलिया महिला विरुद्ध न्यूझीलंड महिला सामना मंगळवार, 8 ऑक्टोंबर रोजी होणार आहे.
- ICC महिला T20 विश्वचषक 2024 चा ऑस्ट्रेलिया महिला विरुद्ध न्यूझीलंड महिला सामना कुठं खेळवला जाईल?
ICC महिला T20 विश्वचषक 2024 चा ऑस्ट्रेलिया महिला विरुद्ध न्यूझीलंड महिला सामना शारजाह क्रिकेट स्टेडियम, शारजाह इथं होणार आहे.
- ICC महिला T20 विश्वचषक 2024 चा ऑस्ट्रेलिया महिला विरुद्ध न्यूझीलंड महिला किती वाजता सुरु होईल?