व्हायरल अलर्ट! शाहरुख खान स्पेनमध्ये सुहाना खानबरोबर करतोय 'किंग'चं शूटिंग? - Shah Rukh Khan in Spain

Shah Rukh Khan in Spain : कोलकाता नाइट रायडर्स (KKR) च्या विजयाचा आनंद लुटल्यानंतर शाहरुख खाननं त्याच्या आगामी 'किंग' चित्रपटाचं शूटिंग सुरू केलं आहे. 'किंग'च्या स्पेन शेड्यूलमधील एसआरकेचा एक फोटो इंटरनेटवर फिरत आहे. सुजॉय घोष दिग्दर्शित आगामी 'किंग' चित्रपटातून शाहरुख खानची मुलगी सुहाना खानबरोबर डेब्यू करत आहे.

मुंबई - Shah Rukh Khan in Spain :कोलकाता नाइट रायडर्सनं (केकेआर) इंडियन प्रीमियर लीग २०२४ ट्रॉफी जिंकल्यानंतर शाहरुख खानच्या आनंदाला भरती आली होती. 'पठाण', 'जवान' आणि 'डंकी' यांसारख्या हिट चित्रपटांनी त्याला पुन्हा एकदा बॉलिवूडमध्ये सर्वात प्रतिष्ठीत बनवल्यानंतर त्याच्या आयपील टीमनंही यंदाच्या हंगामात नेत्रदीपक कामगिरी केली. हे सगळं सुरू असतानाच तो आपल्या भविष्यातील प्रोजेक्ट्सवरही बारीक लक्ष ठेवून आहे. तो त्याची मुलगी सुहाना खानबरोबर नव्या चित्रपटाची तयारी करत आहे.

किंग खानचे तमाम चाहते शाहरुख खानच्या आगामी प्रोजेक्टबद्दल चर्चा करत आहेत, चाहत्यांनी असा अंदाज लावला आहे की, त्यानं सुजॉय घोष दिग्दर्शित 'किंग' या चित्रपटाकडे आपले लक्ष वळवलं आहे. चित्रपटाच्या सेटवरील सुहानाबरोबरचा त्याचा फोटो ऑनलाईन प्रसिद्ध झाल्यानंतर या चर्चेला आणखी उधाण आलं. हा सेट स्पेनमध्ये असल्याचं आणि शाहरुख मुलीबरोबर या सुंदर देशात शूटिंग करत असल्याची त्यामुळे चर्चा सुरू झाली आहे.

आठवड्याच्या शेवटी X या सोशल मीडियावर एका युजरनं शाहरुखचा एक फोटो शेअर केला. हा फोटो 'किंग'च्या सेटवरील असल्याचा दावा त्यानं केला होता. शाहरुख सध्या स्पेनमध्ये शूटिंग करत असल्याचं हा युजर सूचवत होता. निळ्या रंगाचा सूट घातलेला शाहरुख खान काही लोकांशी बोलताना दिसत असून त्याच्या मागे निळसर पाणी आणि भव्य पर्वत अशी पार्श्वभूमी असल्याचं दिसत आहे.

हा फोटो तिथलाच आहे का याला अधिकृत दुजोरा मिळालेला नाही. निर्मात्यांनीही यावर भाष्य केलेलं नाही, तरीही चाहत्यांमध्ये उत्साह वाढत आहे. या चित्रपटाबद्दल बोलताना शाहरुखनं नुकतंच जुलै-ऑगस्टमध्ये शूटिंग सुरू करण्याचे संकेत दिले होते.

मिळालेल्या माहितीनुसार 'किंग' या चित्रपटात तो डॉन बनून पडद्यावर परत आगमन करणार आहे. या चित्रपटातून सुहाना खान थिएटरमध्ये पदार्पण देखील करेल. गेल्या वर्षी झोया अख्तरच्या 'द आर्चीज' या नेटफ्लिक्स चित्रपटामधून अभिनय क्षेत्रात पदार्पण करणारी सुहाना पहिल्यांदाच तिच्या वडिलांबरोबर स्क्रीन स्पेस शेअर करणार आहे.

शाहरुखच्या रेड चिलीज एंटरटेनमेंट आणि 'पठाण' दिग्दर्शक सिद्धार्थ आनंदच्या मार्फलिक्स पिक्चर्स बरोबरसह-निर्मिती असलेला हा चित्रपट, बाप लेकीच्या जोडीला पहिल्यांदा एकत्र आणणारा चित्रपट आहे.

हेही वाचा -