मुंबई - Varun Dhawan and Janhvi Kapoor : अभिनेता वरुण धवन आणि जान्हवी कपूर दुसऱ्यांदा पडद्यावर एकत्र दिसणार आहेत. दोघेही 'सनी संस्कार की तुलसी कुमारी' या चित्रपटामुळे चर्चेत आहे. या दोघांना पुन्हा एकदा एकत्र पाहण्यासाठी चाहते खूप उत्सुक आहेत. जेव्हापासून करण जोहरनं त्याच्या आगामी चित्रपटाची घोषणा केली आहे, तेव्हापासून चाहत्यांमध्ये या चित्रपटाबद्दल प्रचंड क्रेझ आहे. 'सनी संस्कार की तुलसी कुमारी' या रोमँटिक ड्रामाचं शूटिंग सुरू झालं आहे. करण सोशल मीडियावर एक व्हिडिओ शेअर करून याबद्दलची माहिती दिली आहे.
करण जोहरनं शेअर केला व्हिडिओ : शेअर केलेल्या व्हिडिओत वरुण धवन, जान्हवी कपूर, रोहित सराफ, सान्या मल्होत्रा आणि चित्रपटामधील संपूर्ण कास्ट दिसत आहे. या चित्रपटाची कास्ट शूटिंग सुरू करण्यापूर्वी पुजा करताना दिसत आहे. व्हिडिओमध्ये ग्रुप पिक्चर्सही आहेत. करण जोहरनं या व्हिडिओच्या पोस्टच्या कॅप्शनमध्ये लिहिलं, "फक्त शुद्ध प्रेम!. 'सनी संस्कार की तुलसी कुमारी' त्यांच्या कुटुंबियांबरोबर शूटिंग करत आहे. यांना प्रेम आणि आशीर्वाद द्या!, 'सनी संस्कार की तुलसी कुमारी' चित्रपट थिएटरमध्ये, 18 एप्रिल 2025!" रिलीज होईल" या रोमँटिक चित्रपटाची निर्मिती धर्मा प्रॉडक्शन करत आहे. याशिवाय वरुणनं देखील त्याच्या इन्स्टाग्राम पेजवर काही फोटो शेअर केले आहेत.