मुंबई - Urfi Jawed :सोशल मीडिया सेन्सेशन उर्फी जावेद तिच्या फॅशन सेन्ससाठी नेहमीच चर्चेत असते. उर्फी असे पोशाख डिझाइन करत असते, ज्याची कोणी कल्पनाही करू शकत नाही. हे पोशाख ती तिच्या चाहत्यांना घालून देखील दाखवत असते. उर्फी खूप क्रिएटिव्ह आहे हे तिच्या पोशाखांमध्ये दिसून येते. दरम्यान पुन्हा एकदा उर्फी तिच्या विचित्र पोशाखामुळे चर्चेत आली आहे. आता सोशल मीडियावर एक व्हिडिओ व्हायरल होत आहे, ज्यामध्ये उर्फी एका सुंदर पोशाखात दिसत आहे. आता यावेळी उर्फीनं एक जड गाऊन डिझाइन केला आहे. हा गाऊन परिधान करून ती रस्त्यावर उतरली आहे.
उर्फीचा नवीन पोशाख : सोशल मीडियावर व्हायरल होत असलेल्या व्हिडिओत उर्फी हेवी ब्लू कलरच्या गाऊनमध्ये दिसत आहे. हा गाऊन इतका मोठा आणि जड आहे की तो हाताळण्यासाठी 4 लोकांची गरज तिला पडत आहे. हा इतका मोठा आहे की, तिला कारऐवजी टेम्पोमध्ये बसून यावं लागलं आहे. व्हिडिओमध्ये ती टेम्पोमधून बाहेर पडताना दिसत आहे. हा तिचा गाऊन 100 किलो वजनाचा असल्याचं तिनं सांगितलं आहे. याशिवाय तिनं या आऊटफिटसाठी पोलिसांकडून परवानगी घेतली असल्याचं देखील व्हिडिओत म्हटलं. आता उर्फीच्या या व्हिडिओवर अनेकजण कमेंट्स करत आहेत. काहीजण तिला सुंदर दिसत असल्याचं म्हणत आहे.