मुंबई- The Great Indian Kapil Show :कॉमेडियन कपिल शर्मा ओटीटी प्लॅटफॉर्म नेटफ्लिक्सवर 'द ग्रेट इंडियन कपिल शो'द्वारे प्रेक्षकांना मनोरंजनाचा डोस देत आहे. या शोमध्ये आतापर्यंत बी टाऊनमधील अनेक सेलिब्रिटी सहभागी झाले आहेत. 'द ग्रेट इंडियन कपिल शो'चा नवा मीड सीझनचा प्रोमो रिलीज झाला आहे. यामध्ये अभिनेता कार्तिक आर्यन आणि 'मिस्टर अ‍ॅन्ड मिसेस माही'मधील स्टार्स राजकुमार राव-जान्हवी कपूर कपिलबरोबर दिसत आहेत. याशिवाय प्रोमोमध्ये अनिल कपूरसह फराह खान आणि बाकी स्टार्स देखील धमाल करताना दिसत आहेत.'द ग्रेट इंडियन कपिल शो'च्या निर्मात्यांनी काल 17 मे रोजी एक ट्रेलर शेअर केला आहे.
'द ग्रेट इंडियन कपिल शो' प्रोमो रिलीज : प्रोमोमध्ये कार्तिक आर्यनच्या बनावट लग्नाची आणि सानिया मिर्झा कपिल शर्माची खिल्ली उडवताना दिसत आहे. प्रोमोच्या सुरुवातीला, आंतरराष्ट्रीय गायक एड शिरन हा कपिलबरोबर दिसतोय. यानंतर कार्तिक या शोमध्ये त्याच्या आईबरोबर एंट्री करताना दिसतो. व्हायरल प्रोमोत अनिल कपूर आणि फराह खान कपिलबरोबर धमाल करताना दिसत आहेत. याशिवाय या प्रोमोमध्ये जान्हवी आणि राजकुमार राव त्याचा आगामी चित्रपट 'मिस्टर अ‍ॅन्ड मिसेस माही' प्रमोशनसाठी येताना दिसतात. हा चित्रपट रुपेरी पडद्यावर 31 मे रोजी प्रदर्शित होत आहे. याशिवाय प्रोमोत राजकुमार कपिलच्या शोची प्रशंसा करताना दिसतो.