'स्क्विड गेम सीझन 3'ची रिलीज डेट लीक! वाचा सविस्तर

'स्क्विड गेम सीझन 3' हा सध्या खूप चर्चेत आहे. ही वेब सीरीज कधी रिलीज होणार याबद्दल अनेकजण आतुरनं वाट पाहात आहेत.

मुंबई : 'स्क्विड गेम'चा दुसरा सीझन नेटफ्लिक्सवर स्ट्रीम होत आहे. या साऊथ कोरियन थ्रिलर वेब सीरीजला प्रेक्षकांकडून प्रचंड प्रतिसाद मिळत आहे. प्रचंड यशाच्या दरम्यान, निर्मात्यांनी 'स्क्विड गेम' सीझन 3'बद्दल एक अपडेट शेअर केली आहे. आता ही अपडेट शेअर झाल्यानंतर चाहत्यांचा उत्साह खूप वाढला आहे. 'स्क्विड गेम सीझन 3'च्या रिलीजची तारीख, कलाकार, कहाणीच्या माहितीवर एक नजर टाकूया.

'स्क्विड गेम सीझन 3'ची रिलीज तारीख : साऊथ कोरियाचे स्क्विड गेम निर्माता ह्वांग डोंग-ह्यूक यांनी अलीकडेच 'स्क्विड गेम सीझन 3'च्या रिलीजबद्दल माहिती शेअर केली आहे. 2025 च्या गोल्डन ग्लोब्समध्ये माध्यमांशी बोलताना, ह्वांगनं 'स्क्विड गेम सीझन 3' वेब सीरीज मे महिन्यात प्रदर्शित होण्याच्या गोष्टीला अफवा असल्याचं सांगितलं आहे. ही वेब सीरीज यावर्षाच्या अखेरीस प्रदर्शित होईल. रिपोर्ट्सनुसार, नेटफ्लिक्स कोरियाच्या एका यूट्यूब व्हिडिओमध्ये तारीख लीक झाल्यानंतर, ही सीरीज 27 जून 2025मध्ये रिलीज होईल असा अंदाज लावण्यात आला होता. सोमवार 27 जानेवारी रोजी, नेटफ्लिक्सनं त्यांच्या अधिकृत एक्स अकाउंटवर 'स्क्विड गेम सीझन 3'चा प्रोमो शेअर केला, यामध्ये या थ्रिलर सीरीजबद्दल माहिती देण्यात आली आहे. हा प्रोमो शेअर करताना निर्मात्यानं कॅप्शनमध्ये लिहिलं की, 'सर्वजण चुल-सुला नमस्कार करा. 'स्क्विड गेम 3' 2025 मध्ये येत आहे.'

'स्क्विड गेम सीझन 3' मधील कलाकार : 'स्क्विड गेम सीझन 3'मध्ये काही आवडत्या आणि नवीन पात्रांचे पुनरागमन होण्याची अपेक्षा आहे. मिळालेल्या माहितीनुसार, ली जंग-जे हा सेओंग गि-हुनचीभूमिका पुन्हा साकारतील. याशिवाय ह्वांग जुन-हो, जो यू-री, ली ब्युंग-अ‍ॅम हे कलाकार पुन्हा तिसऱ्या सीझनमध्ये दिसणार आहेत. 'स्क्विड गेम सीझन 2'मध्ये अनेक नवीन पात्रे जोडली गेली होती. तसेच सीझन 3मध्येही अनेक नवीन चेहरे प्रेक्षकांना पाहायला मिळणार आहेत. दुसऱ्या सीझनच्या शेवटी, प्रेक्षकांना एक धक्कादायक घटना पाहायला मिळली होती. आता 'सीझन 3'मध्ये धमाका होताना दिसणार आहे.

हेही वाचा :