आमिर खानसाठी 'वनवास'चं स्पेशल स्क्रिनिंग, नाना पाटेकर करणार होस्ट

आमिर खानसाठी नाना पाटेकर आगामी 'वनवास' चित्रपटाचं स्पेशल स्क्रीनिंग आयोजित करणार आहे. मुंबईत होणाऱ्या या स्क्रिनिंगसाठी 'वनवास'ची टीम हजर राहील.

मुंबई - अनिल शर्मा दिग्दर्शित 'वनवास' चित्रपटासाठी नाना पाटेकर सज्ज झाला आहे. उत्कर्ष शर्मा आणि सिमरत कौर या चित्रपटात मुख्य भूमिका साकारत आहेत. या चित्रपटाबद्दल लोकांमध्ये प्रचंड उत्सुकता असून या रंजक कथानकाची प्रत्येकजण आतुरतेनं वाट पाहत आहे. चित्रपटाच्या निर्मात्यांनी बॉलीवूडचा सुपरस्टार आमिर खानच्या प्रदर्शनापूर्वी स्पेशल स्क्रिनिंग करण्याचं ठरवलंय, त्यामुळे उत्साहात भर पडली आहे. हे स्क्रिनिंग मुंबईत होणार असून, त्यासाठी आमिरलाही आमंत्रित करण्यात आलं आहे.

चित्रपटाशी संबंधित एका व्यक्तीनं सांगितलं की, "नाना आणि आमिर खान यांच्यात खूप चांगलं बाँडिंग आहे. वनवासच्या टीमनं आमिरसाठी मुंबईत स्पेशल स्क्रिनिंगची व्यवस्था केली आहे. आमिर 20 डिसेंबरला हा चित्रपट पाहणार आहे."

'वनवास' ही एक भावनिक कथा आहे जी कुटुंब, आदर आणि आत्म-स्वीकृतीचा मार्ग दाखवते. यामध्ये आई-वडिलांना वनवासात पाठवणाऱ्या मुलांची वेदना दाखवण्यात आली आहे. ही कथा आजच्या प्रेक्षकांशी खोलवर जोडलेली आहे.

अनिल शर्मा दिग्दर्शित 'वनवास' चित्रपटाची निर्मिती आणि लेखन असलेला हा चित्रपट कौटुंबिक संबंधांना एका नव्या पद्धतीनं उलगडून दाखवणार आहे. खरी नाती फक्त रक्तावर आधारित नसतात, तर एकमेकांच्या प्रेमातून आणि स्वीकारातून तयार होतात, असं म्हटलं जातं. याची कथा आजच्या काळाला अनुसरून सशक्त आणि नवीन विचार मांडणारी आहे.

'वनवास'चे दिग्दर्शक अनिल शर्मा यांनी 'गदर: एक प्रेम कथा' आणि 'गदर 2' सारखे ब्लॉकबस्टर चित्रपट बनवले आहेत. आता ही टीम 'वनवास' या तिसऱ्या चित्रपटातून प्रेक्षकांना चकित करण्यासाठी सज्ज झाली आहे. अनिल शर्मा लिखित, निर्मित आणि दिग्दर्शित 'वनवास' हा चित्रपट 20 डिसेंबर 2024 रोजी थिएटरमध्ये प्रदर्शित होणार आहे.

हा चित्रपट झी स्टुडिओजद्वारे जगभरात प्रदर्शित केला जाणार आहे, ज्यामध्ये नाना पाटेकर, उत्कर्ष शर्मा आणि सिमरत कौर मुख्य भूमिकेत आहेत.