मुंबई - Rahul vaidya : गायक राहुल वैद्यचा एका व्हिडिओ सोशल मीडियावर व्हायरल झाला आहे. यामध्ये तो दुबईमधील पावसाच्या पाण्यात दिसत आहे. सोमवारी रात्री आणि मंगळवारी सकाळपर्यंत यूएईच्या अनेक भागात मुसळधार पाऊस सुरू होता. यानंतर अनेक ठिकाणी पावसाचं पाणी साठताना दिसलं. दुबईमधील परिस्थिती पुरासारखी झाली. आता तेथील नागरिकांना अनेक समस्यांना सामोरे जावे लागत आहे. गायक राहुल वैद्यही आता अशाच परिस्थितीत अडकला होता. राहुल नुकताच दुबईला त्याच्या कुटुंबाबरोबर आनंदाचे क्षण घालवण्यासाठी गेला होता, मात्र पावसानं त्याचा सर्व प्लॉन खराब केला.
राहुल वैद्यनं शेअर केला दुबईमधील पूराचा व्हिडिओ : राहुलला दुबईममध्ये निसर्गाच्या कहराचा सामना करावा लागला होता. दुबईमध्ये सुरू असलेल्या पावसामुळे संपूर्ण शहरात जोरदार पूर आला आहे. शहरे नद्यांमध्ये बदलले आहेत. अनेकांच्या घरात पावसाचे पाणी साचलेलं आहे. सध्या दुबईची परिस्थिती खूप गंभीर आहे. दरम्यान राहुलनं सोशल मीडियावर या भयानक दृश्याची झलक शेअर केली आहे. या व्हिडिओमध्ये राहुल हातात शूज घेऊन पाण्यातून चालताना दिसत आहे. त्यानं शेअर केलेल्या व्हिडिओमध्ये त्याच्या गुडघ्यापर्यंत पाणी आल्याचं दिसत आहे. याशिवाय सोशल मीडियावर राहुलचा होत असलेल्या पुराच्या व्हिडिओवर अनेकज कमेंट्स करून त्याला काळजी घेण्यास सांगताना दिसत आहेत. तसेच त्यानं इन्स्टा स्टोरीवर चाहत्यांना दुबईमध्ये घालवलेल्या खास क्षणांची झलकही दाखवली आहे.