मुंबई - Shraddha Kapoor: अभिनेत्री श्रद्धा कपूर हिंदी चित्रपटसृष्टीतील अष्टपैलू स्टार किड्सपैकी एक आहे. तिनं लोकांमध्ये स्वतःची एक वेगळी ओळख निर्माण केली आहे. सोशल मीडियावर अनेकदा ती आपल्या चाहत्यांबरोबर सुंदर व्हिडिओ आणि फोटो शेअर करत असते. श्रद्धाचा एक व्हिडिओ सोशल मीडियावर व्हायरल झाला आहे. या व्हिडिओमध्ये ती कथित बॉयफ्रेंड राहुल मोदीबरोबर दिसत आहे. नुसतेच श्रद्धा आणि राहुल एकत्र रिहानाच्या कॉन्सर्टमध्ये दिसले होते. एका महिलेनं कॉन्सर्टमध्ये श्रद्धाबरोबरचा व्हिडिओ रेकॉर्ड केला होता. हा व्हिडिओ या महिलेनं तिच्या इन्स्टाग्रामवर अपलोड केला होता.
कोण आहे राहुल मोदी :यानंतर लगेच हा व्हिडिओ या महिलेनं तिच्या इन्स्टाग्रामवरून डिलीट केला आहे. यानंतर आता आणखी सोशल मीडियावर श्रद्धाबद्दल चर्चा होऊ लागली आहे. श्रद्धा आणि राहुलनं अद्याप त्यांचे नाते अधिकृत केले नाही. पण हे दोघेही अनेकदा डेट आणि खास प्रसंगी एकत्र कॅमेऱ्यात कैद झाले आहेत. दरम्यान राहुलबद्दल बोलायचं झालं तर तो लेखक आहे. त्याला 'प्यार का पंचनामा 2' आणि 'सोनू के टीटू की स्वीटी', 'तू झुठी में मक्कर' सारख्या चित्रपटांसाठी ओळखले जाते. राहुलनं लव रंजनच्या 2011 मध्ये आलेल्या 'प्यार का पंचनामा' चित्रपटाच्या सेटवर इंटर्न म्हणून आपल्या कारकिर्दीची सुरुवात केली. यानंतर त्यानं दिग्दर्शक म्हणून जबाबदारी स्वीकारली. त्यानं चित्रपटसृष्टीत आता चांगली ओळख निर्माण केली आहे.