मुंबई : अभिनेता राम चरमच्या 'गेम चेंजर'नं पहिल्या दिवशी भारतात 51 कोटींची दमदार ओपनिंग केली. या चित्रपटानं आतापर्यंत जगभरात 100 कोटींपेक्षा जास्त कमाई केली आहे. दुसऱ्याच दिवशी हा चित्रपट बॉक्स ऑफिसवर काही विशेष कामगिरी करू शकला नाही. जबरदस्त ओपनिंगनंतर, राम चरणच्या राजकीय ड्रामा रिलीजच्या दुसऱ्या दिवशी देशांतर्गत कलेक्शनमध्ये 100 कोटींचा टप्पा ओलांडेल अशी अपेक्षा होती, मात्र इथे परिस्थिती पूर्णपणे वेगळी झाली आहे. 'गेम चेंजर'च्या दुसऱ्या दिवसाच्या कमाईबद्दल आता आम्ही तुम्हाला सांगणार आहोत.
'गेम चेंजर' बॉक्स ऑफिस कलेक्शन दिवस 2 : दुसऱ्या दिवशी बॉक्स ऑफिसवर राम चरण स्टारर 'गेम चेंजर'नं रिलीजच्या दुसऱ्या 21.5 कोटींची कमाई केली. यासह, चित्रपटाचं दोन दिवसांचे कलेक्शन 72.5 कोटी रुपयांवर पोहोचलं आहे. 'गेम चेंजर'नं तेलुगूमध्ये 12.7 कोटी, तमिळमध्ये 2.12 कोटी आणि हिंदीमध्ये 7.5 कोटींची कमाई केली. 'गेम चेंजर'च्या निर्मात्यांनी अलीकडेच एका पोस्टरद्वारे खुलासा केला की, या चित्रपटानं जगभरात 186 कोटींची ओपनिंग केली आहे. दरम्यान यासह 'गेम चेंजर' हा जगभरात 100 कोटी रुपये ओलांडणारा वर्षातील पहिला चित्रपट बनला आहे. आता 'गेम चेंजर' चित्रपट येणाऱ्या दिवसांमध्ये किती कमाई करेल हे पाहणं रंजक ठरणार आहे.
'गेम चेंजर'ची कमाई
पहिला दिवस - 51 कोटी रुपये
दुसरा दिवस - 21.5 कोटी रुपये
एकूण संकलन- 72.5 कोटी (अंदाजे)
गेम चेंजरची जगभरातील कमाई : 'गेम चेंजर'ला कंगना राणौत स्टारर 'इमर्जन्सी' हा चित्रपट कडक स्पर्धा देईल. कंगनाचा हा चित्रपट 17 जानेवारी रोजी बॉक्स ऑफिसवर रिलीज होणार आहे. 'गेम चेंजर' चित्रपटामध्ये राम चरण दुहेरी भूमिकेत आहे. या चित्रपटात त्यानं आयएएस अधिकार भूमिका केली आहे, जो भ्रष्टाचाराविरुद्ध लढताना दिसतो. 'गेम चेंजर'ची कहाणी कार्तिक सुब्बाराज यांनी लिहिली आहे. या चित्रपटाचं दिग्दर्शन एस शंकर यांनी केलंय. हा चित्रपट 10 जानेवारी रोजी थिएटरमध्ये प्रदर्शित झाला. या चित्रपटात बॉलिवूड अभिनेत्री कियारा अडवाणी आहे. कियारानं पहिल्यांदाच राम चरणबरोबर स्क्रीन शेअर केली आहे. 'गेम चेंजर' हा चित्रपट तेलुगू, तमिळ, हिंदी, कन्नड आणि मल्याळम भाषेत बॉक्स ऑफिसवर प्रदर्शित झाला आहे.
हेही वाचा :
