मुंबई -बॉलिवूड अभिनेता रितेश देशमुख आणि त्याची पत्नी जेनेलिया डिसूजा हे सोशल मीडियावर खूप सक्रिय आहे. अनेकदा हे जोडपे चाहत्यांच्या मनोरंजनासाठी वेगवेगळे व्हिडिओ सोशल मीडियावर शेअर करत असतात. आता गेल्या काही दिवसांपासून 'तांबडी चामडी' या गाण्याची सोशल मीडियावर धुमाकूळ सुरू आहे. अगदी लहान मुलांपासून मोठ-मोठ्या सेलिब्रिटींपर्यंत सगळ्यांनी या ट्रेडिंग गाण्यावर आपला खास व्हिडिओ बनवला आहे. आता व्हायरल झालेल्या व्हिडिओमध्ये रितेश जेनेलियासह त्यांचे मित्रमंडळी या गाण्यावर थिरकताना दिसत आहेत. या गाण्यांची भुरळ या जोडप्यांना आता लागल्याची दिसत आहे.
रितेश देशमुख आणि जेनेलिया डिसूजा यांचा नवीन व्हिडिओ व्हायरल :रितेश देशमुख आणि जेनेलिया डिसूजा या दोघांचा चाहतावर्ग खूप मोठा आहे. 'तांबडी चामडी' गाण्यावरचा त्यांचा हा रिल सोशल मीडियावर प्रचंड व्हायरल झाल्यानंतर आता अनेकांना आवडत आहे. त्याच्या रिलच्या पोस्टवर अनेकजण भरभरून कमेंट्स देत त्यांचे कौतुक करताना दिसत आहेत. 'तांबडी चामडी' हे गाणं 'मराठी वाजलंच पाहिजे' म्हणणारा लोकप्रिय डीजे क्रेटेक्स म्हणजेच मराठमोळ्या कृणाल घोरपडेनं संगीतबद्ध केलंय. क्रेटेक्सचे गाणी ही खूप जास्त लोकांना आवडतात. अनेकजण आता 'तांबडी चामडी' या गाण्यावर रिल्स बनवत असून याला आणखीच लोकप्रिय करत आहे.