मुंबई - Aadil Khan And Somi Khan: राखी सावंतचा पूर्वाश्रमीचा पती आदिल खान दुर्रानीनं पुन्हा एकदा निकाह केला आहे. आदिलनं 'बिग बॉस 12' फेम सोमी खानबरोबर गुपचूप निकाह करून सर्वांनाचं एक आश्चर्याचा धक्का दिला. कुटुंबाच्या उपस्थित या जोडप्यानं म्हैसूर येथे विवाह केल्यानंतर आता सोशल मीडियावर काही व्हिडिओ व्हायरल झाले आहे. आदिलला आता सोशल मीडियावर अनेकजण ट्रोल करताना दिसत आहेत. काही काळापूर्वी या जोडप्यानं दुबईत एक म्युझिक व्हिडिओ शूट केला होता, तेव्हापासून त्यांच्यात जवळीक वाढली होती. आता व्हायरल होत असलेल्या व्हिडिओमध्ये दोघेही एकमेकांवर प्रेमाचा वर्षाव करताना दिसत आहेत.
आदिल खान दुर्रानी शेअर केली पोस्ट : याशिवाय या व्हिडिओत आदिल आणि सोमी त्यांच्या लग्नानंतरचा पहिल्या जुम्मा एकत्र घालवत असल्याची खुशी व्यक्त करत आहेत. सोमीची बहीण सबा खाननं देखील या जोडप्याचा एक व्हिडिओ शेअर केला आहे, ज्यामध्ये ती दोघांना शुभेच्छा देताना दिसत आहे. याशिवाय आदिल खाननं काही फोटो इंस्टाग्राम शेअर केले आहेत. या फोटोवर त्यानं कॅप्शनमध्ये लिहिलं, ''अल्लाहच्या कृपेनं आम्ही आमचा निकाह एका साध्या पद्धतीनं पार पाडला असून हे जाहीर करताना आम्हाला आनंद होत आहे. आम्ही या आशीर्वादाबद्दल आभारी आहोत. आम्ही आमच्या कुटुंबीयांचे आणि मित्रांचे आभारी आहोत. पती-पत्नी या नात्याचा आमचा नवा प्रवास सुरू करण्यास आम्ही उत्सुक आहोत. सुखी वैवाहिक जीवनासाठी कृपया आपल्या प्रार्थनेत आमची आठवण ठेवा.''