मुंबई - Pushpa Director Sukumar :साऊथ फिल्म इंडस्ट्रीतील दिग्दर्शक सुकुमार याचा अल्लु अर्जुनबरोबरचा पहिला चित्रपट 'आर्या'ला आज 7 मे रोजी 20 वर्षे पूर्ण झाले आहेत. सुकुमार यांनी चित्रपटसृष्टीत 20 वर्षांचा अद्भुत प्रवास पूर्ण केला आहे. या प्रसंगी पुष्पाच्या टीमनं सुकुमार यांच्यावर कौतुकाचा वर्षाव केला आहे. याशिवाय अल्लू अर्जुननं देखील त्याच्या 'आर्या' चित्रपटाला 20 वर्षे पूर्ण झाल्याचा आनंद साजरा केला आहे. त्यानं इंस्टाग्राम स्टोरीवर एक 'आर्या' चित्रपटामधील एक सुंदर पोस्टर शेअर केले आहे. या पोस्टरमध्ये तो लाजून हसताना दिसत आहे.
सुकुमारनं केले चित्रपटसृष्टीत 20 वर्ष पूर्ण : सुकुमारचा हा चित्रपट अल्लू अर्जुनच्या करिअरमधला दुसरा चित्रपट होता. सुकुमार यांनी 'आर्या' हा 2004 साली दिग्दर्शित केला होता. 'आर्या' हा साउथ चित्रपट सुपरहिट चित्रपटांच्या यादीत समाविष्ट आहे. यानंतर 'आर्या 2' हा चित्रपट 2009 साली प्रदर्शित झाला होता, ज्यानं बॉक्स ऑफिसवर धमाका केला होता. आता सुकुमारनं अल्लू अर्जुनबरोबर 'पुष्पा' आणि 'पुष्पा 2' सारखे चित्रपट बनवले आहेत. 'पुष्पा- द राइज' (2021) रिलीज झाला होता. हा चित्रपट जगभरात हिट झाला होता. आता सुकुमार आणि अल्लू अर्जुन 15 ऑगस्टला प्रदर्शित होणाऱ्या' पुष्पा 2 द रुल' या चित्रपटासाठी चर्चेत आहेत.
'आर्या ' चित्रपटानंतर मिळाली सुकुमार यांना खरी ओळख :'आर्या' (2004), 'जगदम' (2007), 'आर्या 2' (2009), '100% लव्ह' (2011), '1: नैनोकदीने' (2014), 'नन्नाकु प्रेमतो' (2016), 'रंगास्थलम' (2018) 'पुष्पा द राईज' (2021) आणि 'पुष्पा 2 द रुल' यासारखे चित्रपट दिल्यानंतर त्यांनी त्याच्या करिअरमध्ये मागे वळून पाहिले नाही. सुकुमार यांनी 'पुष्पा द राईज' (2021) आणि 'पुष्पा 2 द रुल' यासह नऊ चित्रपटांचे दिग्दर्शन केलं आहे. दरम्यान साऊथ सुपरस्टार राम चरणच्या वाढदिवसानिमित्त सुकुमार यांनी त्याच्याबरोबर एक चित्रपट साइन केला आहे. दरम्यान 'पुष्पा 2 द रुल' या चित्रपटाच्या रिलीजची वाट आता अनेकजण पाहात आहेत.