रवीना टंडन पार्किंग प्रकरणावर कंगना रणौतची प्रतिक्रिया, केली पोस्ट शेअर - Kangana Ranaut

Kangana Ranaut and Raveena Tondon : रवीना टंडन पार्किंग वादात कंगना रणौतनं आपली प्रतिक्रिया दिली आहे. तिनं सोशल मीडियावर एक पोस्ट शेअर केली आहे.

मुंबई - Kangana Ranaut :बॉलिवूड अभिनेत्री रवीना टंडनच्या घरी गेल्या शनिवारी किरकोळ पार्किंगच्या मुद्द्यावरून झालेल्या भांडणावर अभिनेत्रीनं कंगना रणौतनं आता प्रतिक्रिया दिली आहे. रवीना टंडनवर एक ज्येष्ठ नागरिक आणि तीन महिलांबरोबर गैरवर्तन केल्याचा आरोप केला गेला होता. पोलीस तपासात या प्रकरणात रवीना दोषी आढळली नाही. दरम्यान कंगना रणौतनंही या मुद्द्यावर एक पोस्ट शेअर केली आहे. कंगना रणौतनं तिच्या इन्स्टास्टोरीवर या प्रकरणावर एक पोस्ट शेअर करत लिहिलं, "रवीना टंडनबरोबरजे घडले ते धक्कादायक आहे, तिला 5 ते 6 लोकांनी घेरलं होतं. आम्ही या प्रकरणाचा निषेध करतो. अशा लोकांना फटकारले पाहिजे, अशा हिंसक कृत्यांमध्ये भाग घेऊ नये आणि गैरवर्तन टाळले पाहिजे."

कंगना रणौतनं दिला रवीना टंडनला पाठिंबा : गेल्या शनिवारी कार पार्किंगवरून रवीना टंडनच्या घराबाहेर किरकोळ भांडण झालं होतं. यामध्ये काही लोकांनी रवीना टंडनला धक्काबुक्की केली आणि तिच्या ड्रायव्हरबरोबर बाचाबाचीही केली. याप्रकरणी दोन्ही पक्षांनी तक्रार देण्यास नकार दिला असून पोलिसांच्या म्हणण्यानुसार या हल्ल्यात कुणालाही इजा झालेली नाही. मात्र रवीना टंडनबरोबर घडलेली ही घटना सध्या सोशल मीडियावर खूप चर्चेत आहे. या घटनेचे काही व्हिडिओ सोशल मीडियावर व्हायरल झाले होते. यानंतर अनेकांना रवीनाला पाठिंबा दिला होता.

लोकसभा निवडणूकीमध्ये कंगना रणौत दिसली सक्रिय : कंगना रणौत आजकाल चित्रपटांपासून दूर आहे आणि राजकारणात सक्रिय आहे. तिनं लोकसभा निवडणूक 2024 मध्ये तिच्या मूळ गावी हिमाचल प्रदेशातील मंडी या हाय-प्रोफाइल जागेवरून भाजप उमेदवार म्हणून निवडणूक लढवली आहे. संपूर्ण देश 2024 च्या लोकसभा निवडणूकीच्या निकालाची उद्या म्हणजेच 4 जूनला प्रतीक्षा करत आहे. आता अनेकजण लोकसभा निवडणुकीत भाजपा विजयी होणार अशी आशा करत आहेत. दरम्यान, कंगनाच्या वर्कफ्रंटबद्दल बोलायचं झालं तर तिचा 'इमर्जेंसी' चित्रपट लवकरच चित्रपटगृहांमध्ये प्रदर्शित होणार आहे. सध्या हा चित्रपट खूप चर्चेत आहे.

हेही वाचा :