मुंबई - Vedaa teaser released : जॉन अब्राहम स्टारर 'वेदा' या चित्रपटाचा टीझर आज 19 मार्च रोजी प्रदर्शित करण्यात आला आहे. जॉनबरोबर या चित्रपटात अभिनेत्री शर्वरी वाघ मुख्य भूमिकेत दिसणार आहे. या चित्रपटाचा टीझर खूप दमदार आहे. रिलीज झालेल्या टीझरमध्ये तमन्ना भाटियाची देखील झलक पाहायला मिळत आहे. या चित्रपटाची घोषणा 7 फेब्रुवारीला झाली होती. यानंतर चित्रपटातील जॉन आणि शर्वरीचा फर्स्ट लूक समोर आला होता. 'वेदा' चित्रपटात जॉन हा बॉक्सिंग कोचच्या भूमिकेत दिसणार आहे. याशिवाय शर्वरी या टीझरमध्ये बॉक्सिंग शिकताना दिसत आहे.
जॉन अब्राहमनं केली पोस्ट शेअर : जॉननं त्याच्या इन्स्टाग्राम अकाऊंटवर 'वेदा' चित्रपटामधील पोस्टर आणि टीझर चाहत्यांबरोबर शेअर केला आहे. दरम्यान जॉनचा फर्स्ट लूक एका फोटो याआधी समोर आला होता, ज्यात त्याचा चेहरा दिसत नव्हता. फर्स्ट लूक पोस्टरमध्ये त्याच्या पाठीवर बंदूक आणि उजव्या हातात दुसरी बंदूक होती. त्याच्या उजव्या हाताच्या मनगटावर पांढऱ्या रंगाची पट्टीही बांधलेली होती. ऑलिव्ह कलरचे जॅकेट आणि ग्रे कार्गो पँटमध्ये दिसणारा जॉनचा हा लूक धमाकेदार होता. जॉनचा मास ॲक्शन चित्रपट 12 जुलै रोजी चित्रपटगृहांमध्ये दाखल होणार आहे.