मुंबई - Bigg Boss 17 : 'बिग बॉस 17'च्या फिनालेसाठी प्रेक्षकांना 3 महिन्यांहून अधिक काळ वाट पाहावी लागली आहे. दरम्यान 28 जानेवारी रोजी या शोचा ग्रॅण्ड फिनाले होणार आहे. अलीकडेच, टीव्ही अभिनेत्री अंकिता लोखंडेचा पती विकी जैन याला घरातून बाहेर काढण्यात आले. आता टॉप 5 स्पर्धकांचे चेहरे समोर आले आहेत. 'बिग बॉस 17'च्या फिनाले हा 6 तासचा होणार आहे. दरम्यान 'बिग बॉस 17'च्या ट्रॉफीचा फर्स्ट लूक समोर आला आहे. ही ट्रॉफी खूप वेगळी असून याला पाहून सर्वजण आश्चर्यचकित झाले आहेत. 'बिग बॉस 17'चे निर्माते विजेत्याला चमकदार ट्रॉफी देणार आहेत.
टॉप 5 स्पर्धक कोण आहेत : प्रत्येक सीझनप्रमाणेच 'बिग बॉस 17'च्या घरातही भांडण, प्रेम हे सर्व पाहायला मिळलं आहे. या शोमध्ये मुनावर फारुकी, अंकिता लोखंडे, अरुण, अभिषेक कुमार आणि मन्नारा चोप्रा स्पर्धक आहेत. हे स्पर्धक टॉप 5 मधून असून आता या शोला जिंकण्यासाठी सर्व खूप प्रयत्न करताना दिसत आहेत. या स्पर्धांकाचे मित्र मंडळी त्यांना पाठिंबा देताना सध्या दिसत आहेत.आता काही प्रोमो सोशल मीडियावर रिलीज करण्यात आले आहेत. या प्रोमध्ये घरातील काही सुंदर क्षण या स्पर्धकांचे दाखविण्यात आले आहेत. काही दिवसांपूर्वी मन्नारा चोप्राला अभिनेत्री प्रियांका चोप्रा पाठिंबा देताना दिसली होती. तिनं मन्नाराचा एक फोटो सोशल मीडियावर शेअर केला होता.