मुंबई - Arbaaz Khan And Shura Khan :हिंदी चित्रपटसृष्टीचे प्रसिद्ध जोडपे अभिनेता अरबाज खान त्याची पत्नी शशुरा खान इफ्तार पार्टीमध्ये स्पॉट झाले. या जोडप्यानं पाहुण्यांमध्ये बसून एकत्र इफ्तार पार्टीचा आनंद लुटला. यादरम्यान दोघांमधील घट्ट प्रेम असल्याचं दिसलं. इफ्तार पार्टीमध्ये अरबाज आणि शशुरा एकमेकांची खूप काळजी घेत होते. या इफ्तार पार्टीत अनेक स्टार्स सहभागी झाले होते. इफ्तार पार्टीत रवीना टंडननं देखील हजेरी लावली होती. शशुरा खाननं या पार्टीत पिवळ्या रंगाच्या शरारा परिधान केला होता. यावर तिनं तिचे केस मोकळे सोडले होते. तसेच अरबाज खान यावेळी स्काय शर्टवर काळ्या रंगाची पॅन्ट घातली होती.
इफ्तार पार्टीचा व्हिडिओ झाला व्हायरल : आता सोशल मीडियावर एक व्हिडिओ व्हायरल होत आहे. या व्हिडिओमध्ये शशुरा आणि अरबाज जेवण करताना दिसत आहेत. याशिवाय हे जोडपे जेव्हा घरी जाण्यासाठी निघाले, त्यावेळी अनेकांनी त्यांना पापाराझींसह चाहत्यांनी घेरलं होतं. व्हायरल झालेल्या व्हिडिओमध्ये अरबाज हा आपल्या लेडी लव्हला गर्दीतून बाहेर काढताना दिसत आहे. या इफ्तार पार्टीमध्ये रवीना टंडन पाहुणी म्हणून आली होती. जेव्हा तिला पापाराझीनं प्रश्न विचारण्यास सुरुवात केली तर, तिनं लगेच उत्तर दिलं की, ''मी इथे फक्त जेवायला आले आहे.'' रवीना टंडन अरबाज खानच्या 'पटना शुक्ला' या चित्रपटात मुख्य भूमिकेत दिसत आहे. त्यामुळे ती अनेकदा अरबाजबरोबर दिसते.