ब्रिस्बेन (कॅनबेरा) - अभिनेत्री अनुष्का शर्मा तिचा पती विराट कोहलीच्या बरोबर ऑस्ट्रेलियाच्या दौऱ्यावर आहे. यादरम्यान विराटनं आपल्या खेळाच्या सरावातून सवड मिळाल्यानंतर पत्नीबरोबर काही सुंदर क्षण घालवले आहेत. ऑस्ट्रेलियातील ब्रिस्बेन येथे दोघांनी आपली भेट संस्मरणीय करण्यासाठी एकत्र आनंद साजरा केला.
सार्वजनिक ठिकाणी हाय प्रोफाईलसाठी ओळखल्या जाणाऱ्या या जोडप्यानं स्वादिष्ट जेवणाचा आनंद घेतला आणि एकमेकांच्या सहवासाचा आनंद आरामात घालवला. शुक्रवारी सकाळी अनुष्कानं इंस्टाग्रामवर त्यांच्या मजेशीर दिवसाची झलक शेअर केली आहे. तिनं फोटोंची मालिका पोस्ट केली आहे ज्यामध्ये ते उत्कृष्ट बर्गर आणि फ्राईजचा स्वाद लुटताना दिसत आहेत. पोस्टच्या तिच्या कॅप्शनमध्ये अनुष्कानं लिहिलंय, "आजवरचा सर्वोत्तम दिवस." दुसऱ्या पोस्टमध्ये या सेलेब्रिटी जोडप्यानं एक सेल्फी शेअर केला आहे ज्यात ते दोघेही कॅमेऱ्यासाठी दिलखुलास हसताना दिसत आहेत. खेळकर कानाच्या आकाराचा हेडबँड असलेल्या आपल्या अनुष्काला विराट फ्राईजचा स्वाद देताना दिसत आहे.
अनुष्का शर्मा आणि विराट (ANI) दोघेही या फोटोत त्यांच्या डे-आउट पोशाखात कॅज्युअल आणि स्टाइलिश दिसत होते. यावेळी अनुष्कानं पांढरा पेहराव घातला होता, तर विराटनं निळ्या टी-शर्ट, डेनिम जीन्ससह लाल कॅपमध्ये होता.
पर्थमध्ये 30 वं कसोटी शतक झळकावल्यानंतर विराटनं ते पत्नी अनुष्काला समर्पित केलं होतं. ब्रिस्बेन येथील क्रिकेट मैदानावर 14 डिसेंबरपासून सुरू होणाऱ्या कसोटी मालिकेतील तिसऱ्या कसोटीसाठी विराट तयारी करत आहे. या दौऱ्यात त्याच्याबरोबर अनुष्काही आली असून या जोडप्याने 11 डिसेंबर रोजी त्यांच्या लग्नाचा 7 वा वाढदिवस देखील साजरा केला.
अनुष्का शर्माच्या वर्क फ्रंटबद्दल बोलायचं तर अनुष्का शर्मा बऱ्याच दिवसांपासून मोठ्या पडद्यावर दिसली नाही. डिसेंबर 2018 मध्ये प्रदर्शित झालेल्या 'झिरो' चित्रपटात शेवटी अनुष्का मुख्य भूमिकेत दिसली होती. या चित्रपटात शाहरुख खान आणि कतरिना देखील होते. हा चित्रपट बॉक्स ऑफिसवर काही कमाल दाखवू शकला नाही. ती आगामी 'चकडा एक्सप्रेस' या स्पोर्ट्स बायोपिक चित्रपटामध्ये दिसणार आहे. माजी भारतीय क्रिकेटर झुलन गोस्वामीच्या जीवनावर आधारित असलेला हा चित्रपट ओटीटीवर रिलीज होणार आहे.
