मुंबई - Anant ambani and Radhika merchant : उद्योगपती मुकेश अंबानी आणि नीता अंबानी यांचा धाकटा मुलगा अनंत अंबानी लवकरच लग्नबंधनात अडकणार आहे. राधिका मर्चंट आणि अनंत अंबानी यांच्या नात्याची चर्चा संपूर्ण देशातच नाही तर परदेशातही आहे. हे जोडपे 12 जुलै रोजी मुंबईतील जिओ वर्ल्ड कन्व्हेन्शन सेंटरमध्ये लग्न करणार आहे. सध्या अंबानी कुटुंबातील सदस्य आपल्या खास पाहुण्यांना लग्नाची निमंत्रण पत्रिका देण्यात व्यग्र आहेत. अलीकडेच मुकेश अंबानी राधिका मर्चंटबरोबर महाराष्ट्राचे मुख्यमंत्री एकनाथ शिंदे यांना लग्नपत्रिका देण्यासाठी गेले होते. नीता अंबानीनं आपल्या मुलाच्या लग्नासाठी बाबा विश्वनाथ यांना पहिलं आमंत्रण दिलं आहे.
अनंत अंबानी अक्षय कुमारच्या घरी पोहोचला : तसेच अनंत अंबानी देखील पाहुण्यांना आमंत्रित करण्यात व्यग्र आहेत. अलीकडेच अनंत हा बॉलिवूड सुपरस्टार अजय देवगणला त्याच्या लग्नाचे आमंत्रण देण्यासाठी गेला होता. आता तो आणखी एका बॉलिवूड सुपरस्टारच्या घरी पोहोचला आहे. तो स्वत: सुपरस्टार अक्षय कुमारच्या घरी त्याला लग्नाचं आमंत्रण देण्यासाठी गेला आहे. बुधवारी रात्री अनंत त्याच्या रोल्स रॉयसमध्ये अक्षय कुमारच्या जुहू येथील निवासस्थानी स्पॉट झाला. अनंत त्याच्या बॉडीगार्डसह होता. आता त्याचा एक व्हिडिओ पापाराझीनं सोशल मीडियावर शेअर केला आहे.