मुंबई - Akshay Kumar wishes birthday Ranveer Singh :बॉलिवूड अभिनेता रणवीर सिंग आज त्याचा 39वा वाढदिवस साजरा करत आहे. यानिमित्तानं त्याचे चाहते आणि बॉलिवूड सेलेब्स त्याला शुभेच्छा देत आहेत. दरम्यान अक्षय कुमारनेही रणवीर सिंगला आपल्या अनोख्या अंदाजात वाढदिवसाच्या शुभेच्छा दिल्या आहेत. तसंच त्याला आगामी 'डॉन 3' चित्रपटाच्या निर्मात्यांनी देखील वाढदिवसाच्या शुभेच्छाही दिल्या आहेत. याशिवाय खास प्रसंगी अभिनेता आणि निर्माता जॅकी भगनानीनेही रणवीर सिंगला वाढदिवसाच्या शुभेच्छा देत एक पोस्ट शेअर केली आहे.
अक्षय कुमारनं रणवीर सिंगला वाढदिवसाच्या दिल्या शुभेच्छा : दरम्यान अक्षय कुमारनं रणवीर सिंगला त्याच्या वाढदिवसाच्या खूप मजेदार पद्धतीनं शुभेच्छा दिल्या असून एक व्हिडिओ शेअर केला आहे. या व्हिडिओत तो करण औजलाच्या 'सॉफ्टली' गाण्यावर धमाकेदार डान्स करताना दिसत आहे. रणवीर सिंग खांद्यावर ब्लूटूथ स्पीकर घेऊन नाचताना पाहून अनेक चाहते हसण्याचे इमोजी या पोस्टवर करत आहेत. रणवीरचा हा अंदाज चाहत्यांना खूप आवडला आहे. या पोस्टवर अक्षयनं त्याला वाढदिवसाच्या शुभेच्छा देताना कॅप्शनमध्ये लिहिलं की, "हॅपी बर्थडे रणवीर सिंग, तू एक पॉवर हाऊस माणूस आहेस, तुझी एनर्जी तुला खूप पुढे नेऊ दे, तुझा दिवस आनंदात जावो, प्रेम आणि प्रार्थना माझ्या तुझ्याबरोबर आहेत." आता अक्षय कुमारच्या या पोस्टवर त्याचे चाहते आणि सेलिब्रिटी आपल्या प्रतिक्रिया देत आहेत.