मुंबई - Bade Miyan Chote Miyan Title Track:अक्षय कुमार आणि टायगर श्रॉफ सध्या 'बडे मियाँ छोटे मियाँ' या चित्रपटामुळे चर्चेत आहेत. या दोघांची जोडी लवकरच रुपेरी पडद्यावर पाहायला मिळणार आहे. 'बडे मियाँ छोटे मियाँ' चित्रपटाच्या टायटल ट्रॅकचा टीझर समोर आला आहे. काही मिनिटांतच या टीझरला चांगला प्रतिसाद मिळाला आहे. या गाण्यात टायगर आणि अक्षय दमदार स्टाईलमध्ये दिसत आहेत. 'बडे मियाँ छोटे मियाँ'मधील गाण्याची झलक पाहिल्यानंतर चाहते चित्रपटाच्या रिलीजची आतुरतेने वाट पाहत आहेत. गाण्याचा टीझर शेअर करताना अक्षय आणि टायगरनं सोशल मीडियावर लिहिलं की, "बिग बँगच्या एक दिवस आधी, एक छोटा टीझर. 'बडे मियाँ छोटे मियाँ'चा टायटल ट्रॅक उद्या रिलीज होत आहे."
टायटल ट्रॅक : अक्षय कुमार आणि टायगर श्रॉफ हे दोन्ही स्टार्स त्यांच्या फिटनेससाठी प्रसिद्ध आहेत. या गाण्याच्या टीझरमध्येही दोघेही नव्या लूकमध्ये दिसत आहेत. टीझरमध्ये अक्षय आणि टायगरची जोडी बॉडी, गॉगल, गळ्यात चेन आणि अप्रतिम पोशाखांमध्ये छान दिसत आहे. 'बडे मियाँ छोटे मियाँ'चा टायटल ट्रॅक 19 फेब्रुवारीला रिलीज होत आहे. अक्षय आणि टायगरचं येणाऱ्या गाण्याला पाहण्यासाठी अनेकजण उत्सुक आहेत. 'बडे मियाँ छोटे मियाँ'चा टायटल ट्रॅक अनिरुद्ध रविचंदर आणि विशाल मिश्रा यांनी गायला आहे. या चित्रपटामध्ये या जोडीची जबरदस्त अ‍ॅक्शन पाहायला प्रेक्षकांना मिळेल.