मुंबई - नागपूरच्या जगप्रसिद्ध डॉली चायवालाची सलमान खान होस्ट करत असलेल्या 'बिग बॉस 18' मध्ये एन्ट्री झाली आहे. डॉली चायवालाने स्वतः ही माहिती आणि त्याचा फोटो इंस्टाग्राम पोस्टवर शेअर केला आहे. डॉली याच्याबरोबरच दोन स्टार गेस्टची झलक आजच्या 'वीकेंड का वार' एपिसोडमध्ये पाहायला मिळणार आहे. दरम्यान, सलमान खान काही काळ शोपासून दूर राहिला होता. त्यामुळे प्रेक्षकांच्या पदरात थोडी निराशा पडली होती. आता सलमान खानने 'वीकेंड का वार' या चित्रपटाच्या शूटिंगला पुन्हा सुरुवात केली असून या आठवड्यात सलमान खान 'विकेंड का वार'मध्ये तो दिसणार असल्याचा चाहत्यांना याचा खूप आनंद झाला आहे. 'भारत पे' या कंपनीचे संस्थापक आणि 'शार्क टँक इंडिया'चे एक्स जज अश्वीर ग्रोव्हर यांनी या शोमध्ये प्रवेश केला आहे.
'डॉली चायवाला'ने स्पर्धकांसाठी बनवला चहा - 'बिग बॉस 18' च्या 'वीकेंड का वार'च्या प्रोमोमध्ये सोशल मीडियावर व्हायरल झालेली बेसूर गायिका खुशीची एन्ट्री झालेली दिसते. ती आपल्या बेसूर गाण्यांनी 'बिग बॉस'च्या घरातील सदस्यांचं डोक दुखवताना दिसते. यानंतर डॉली चायवाला शोमध्ये प्रवेश करतो आणि शोमधील स्पर्धक बग्गा याच्याबरोबर चहा बनवतो आणि घरातील सदस्यांना पाजतो. प्रोमोच्या अखेरीस 'शार्क टँक' फेम अश्नीर ग्रोव्हर सलमानच्या समोर उभं राहतो आणि सलमान खानच्या प्रश्नांच्या तोफेला सामोरं जातो.
#WeekendKaVaar Promo - Salman bash Digvijay and Avinash. Ashneer Grover ko kuch yaad dilaya bhai nepic.twitter.com/YOukqCDaTZ
— #BiggBoss_Tak👁 (@BiggBoss_Tak) November 15, 2024
सलमानने शार्क टँकच्या एक्स जजची अश्नीरची घेतली शाळा - अश्नीर ग्रोव्हरने 'बिग बॉस 18' मध्ये वाइल्डकार्ड एंट्री स्पर्धक म्हणून प्रवेश केला आहे. प्रोमोमध्ये, सलमान खानने अश्नीरला प्रश्न विचारुन भंडावून सोडल्याचं दिसत आहे. यापूर्वीच्या एका व्हिडिओत अश्नीर सलमानच्या बाबतीत असभ्य बोलला होता, याची आठवण त्याला सलमाननं करुन दिली. सलमानच्या प्रश्नांना उत्तर देताना अश्नीर सटपटला होता, असंच दिसतं. सलमाननं त्याला तू ढोंगी आहेस हे थेट तोंडावर बोलल्यानं अश्नीरचा चेहरा पाहण्यासारखा झाला होता.
'साबरमती रिपोर्ट्स'ची स्टारकास्टची हजेरी - नुकत्याचं रिलीज झालेल्या 'द साबरमती रिपोर्ट' चित्रपटाची स्टार कास्ट, विक्रांत मॅसी आणि राशी खन्ना हे बिग बॉस 18 मध्ये पाहुणे म्हणून दिसणार आहेत. म्हणजेच वीकेंड का वारमध्ये सलमान खानच्या कमबॅकमुळे घरात अनेक रोमांचक गोष्टी घडणार आहेत.
