'माझ्या लोकांच्या कातडीच्या रंगाचा अपमान’, पंतप्रधान मोदी सॅम पित्रोदावर खवळले - Pm Modi Reaction On Sam Pitroda

Pm Modi Reaction On Sam Pitroda : काँग्रेस नेते सॅम पित्रोदा यांनी एक वादग्रस्त वक्तव्य केल्यानंतर आज पंतप्रधान नरेंद्र मोदी यांनी त्यांच्या वक्तव्याचा खरपूस समाचार घेतलाय. एका निवडणूक प्रचारसभेला संबोधित करताना मोदी म्हणाले, माला विरोधकांनी शिव्या दिल्या, त्या मी सहन केल्या मात्र, पित्रोदा यांचं वक्तव्य मी कधीही खपवून घेणार नाही.

हैदराबादPm Modi Reaction On Sam Pitroda :इंडियन ओव्हरसीज काँग्रेसचे अध्यक्ष सॅम पित्रोदा यांच्या वक्तव्यानं मोठा वाद निर्माण झाला आहे. एका मुलाखतीत पित्रोदा यांनी भारतातील विविध भागातील नागरिकांची तुलना तुलना परदेशी लोकांशी केलीय. “भारत हा विविधतेनं नटलेला देश आहे. भारतातील पूर्वेकडील लोक चिनी लोकांसारखे दिसततात. तसंच पश्चिमेकडील नागरिक अरबी लोकांसारखे दिसतात. उत्तरेकडील लोक थोडेसे युरोपियन लोकांसारखे वाटतात. दक्षिणेकडील लोक आफ्रिकेसारखे दिसतात,” असं वक्तव्य सॅम पित्रोदा यांनी केलं होतं. त्यांच्या या वक्तव्याची आता पंतप्रधान नरेंद्र मोदी यांनी गंभीरपणे दखल घेतली आहे. पंतप्रधान नरेंद्र मोदी तेलंगणातील वारंगल येथे निवडणूक प्रचार सभेला संबोधित करत होते. “मला पित्रोदा यांच्या वक्तव्याचा आज खूप राग आला आहे. मला विरोधकांनी शिव्या दिल्या तरी मी सहन केलं. पण राहुल गांधींच्या शेहजाद्यांच्या वक्तव्यामुळं मला राग आलाय. हा माझ्या देशातील नागरिकांचा अपमान आहे, असं पंतप्रधान नरेंद्र मोदी म्हणाले.

हा देशाचा अपमान :सॅम पित्रोदा यांच्या वक्तव्यावर पंतप्रधान नरेंद्र मोदी म्हणाले की, काँग्रेस पक्ष दक्षिण भारतीयांना आफ्रिकन म्हणून संबोधत आहे. याचा अर्थ त्यांचा वर्णभेदाच्या धोरणावर विश्वास आहे. द्रौपदी मुर्मू राष्ट्रपतीपदाची निवडणूक लढवत असताना काँग्रेसनं त्यांच्या उमेदवारीला विरोध केला होता, हे आता आम्हाला समजलं आहे. त्यांच्या नेत्यानं भारतीयांचा अपमान का केला? याचं उत्तर काँग्रेसच्या राजपुत्राला द्यावं लागेल. हा संपूर्ण देशाचा अपमान आहे, तो आम्ही कोणत्याही प्रकारे सहन करणार नाही. आम्ही श्रीकृष्णावर विश्वास ठेवतो.

परदेशातून राम मंदिराला विरोध :हे विधान जाणीवपूर्वक केल्याचा आरोप भाजपानं केला आहे. भाजपाचे प्रवक्ते सुधांशू त्रिवेदी म्हणाले की, निवडणुकीत काँग्रेसच्या चेहऱ्यावरून त्यांचा खरा मुखवटा उतरत आहे. 'आज पुन्हा एकदा राहुल गांधींचे कुख्यात मास्तर सॅम पित्रोदा यांचं वक्तव्य आलं आहे. आता काँग्रेसचं वक्तव्य केवळ निवडणुका, राजकारणापुरतं राहिलेलं नाही, तर भारताच्या अस्तित्वावरच प्रश्नचिन्ह निर्माण करत आहे. परकीय मानसिकतेनं लोकांना भारत म्हणजे काय हे समजू शकत नाही. चोल साम्राज्याच्या काळात वैशालीमध्ये काय होतं, हेही त्यांना माहीत नाही. तुमच्या डोळ्यांवर विदेशी पडदा आहे, तो काढा. हिंदुत्वात धर्मांतराची संकल्पना नाही, जे बाबरीचा ढाचा वाचवण्यासाठी न्यायालयात उभे राहिले, तेच आज परदेशातून राम मंदिराला विरोध करण्यासाठी उभे आहेत, असं त्रिवेदी म्हणाले.

हे वाचलंत का :