बकरी ईदसह योग दिनानिमित्त पर्यटकांसाठी आनंदाची बातमी! 'ही' पर्यटनस्थळे बघता येणार विनामूल्य - Taj Mahal Free Entry

Taj Mahal Free Entry बकरी ईद हा सण मोठ्या उत्साहात साजरा केला जात आहे. यानिमित्तानं आज आग्रातील नागरिकांना आणि पर्यटकांना ताजमहालात विनामूल्य प्रवेश देण्यात आला. त्याचप्रमाणे जागतिक योगदिनानिमित्तदेखील सर्व पर्यटन स्थळांमध्ये प्रवेश विनामूल्य असणार आहे. वाचा सविस्तर..

आग्रा Taj Mahal Free Entry: बकरी ईद निमित्त प्रेमाचं प्रतीक असलेल्या ताजमहालमध्ये आज तीन तास विनामूल्य प्रवेश देण्यात आला. मात्र, मुख्य घुमट आणि समाधी पाहण्याकरिता पर्यटकांना 200 रुपयांच टिकीट काढावं लागलं. अनेक स्थानिकांनी आणि पर्यटकांनी विनामूल्य प्रवेश घेत पर्यटनाचा आनंद लुटला. यासोबतच 21 जून रोजी जागतिक योग दिनानिमित्त देशभरातील सर्व स्मारकांमध्ये प्रवेश विनामूल्य असेल. परंतु या दिवशी शुक्रवार असल्यानं ताजमहाल बंद असणार आहे. त्यामुळे यामुळे पर्यटकांना विनामुल्य प्रवेशाचा आनंद घेता येणार नाही. परंतु पर्यटकांना आग्रा किल्ला, फतेहपूर सिक्रीसह सर्व स्मारकांमध्ये विनामुल्य प्रवेशाचा आनंद लुटता येईल.

प्रवेश विनामुल्य अल्यामुळे लाखो पर्यटकांनी घेतला आनंद: यासंबंधीत माहिती देताना डॉ. राजकुमार पटेल म्हणाले की, "बकरी ईदला ताजगंज येथील स्थानिक नागरिकांनी आणि पर्यटकांनी ताजमहालाच्या रॉयल मशिदीत ईद निमित्तानं नमाज पठण केलं. सोमवारी, ताजमहालमध्ये देशी-विदेशी पर्यटकांना तीन तास (सकाळी 7 ते 10) प्रवेश विनामूल्य देण्यात आला होता. संबंधीत माहिती दोन दिवसापूर्वीच प्रसिद्ध करण्यात आल्यामुळे सकाळी मोठ्या संख्येन पर्यटक ताजमहाल येथे पोहोचले."

उष्णतेमुळे पर्यटकांच्या संख्येत घट:आग्रा किल्ल्यासह ताजमहाल आणि इतर पर्यटन स्थळ पाहण्यासाठी हजारो देशी आणि विदेशी पर्यटक दररोज येतात. मात्र, उष्णतेमुळे पर्यटकांची संख्या घटली आहे. ताजमहालला भेट देण्यासाठी प्रत्येक भारतीय नागरिकांना 50 रुपयांचे प्रवेश तिकीट खरेदी करावं लागतं. विदेशी पर्यटकांना ताजमहाल पाहण्यासाठी 1150 मोजवे लागतात. भारतीय पुरातत्व सर्वेक्षण (ASI) डिसेंबर 2018 पासून ताजमहालातील मुख्य घुमट आणि समाधीचं दर्शन घेण्यासाठी 200 रुपयांचं अतिरिक्त तिकीट लागू करण्यात आलं आहे.

योग दिनानिमित्त ही स्मारके बघता येणार विनामुल्य: दरवर्षी 21 जून हा दिवस देशात आणि जगात जागतिक योग दिन म्हणून साजरा केला जातो. या दिवशी योगाचा प्रसार करण्यासाठी अनेक कार्यक्रम आयोजित केली जातात. यंदाही जागतिक योग दिनानिमित्त देशभरातील सर्व स्मारकांमध्ये पर्यटकांना मोफत प्रवेश असेल. परंतु, शुक्रवारी साप्ताहिक बंदमुळे ताजमहाल बंद राहणार आहे. त्यामुळे आग्रा येथील पर्यटकांना जागतिक योग दिनानिमित्त आग्रा किल्ला, फतेहपूर सिक्री, इतमाद-उद-दौला, रामबाग, सिकंदरा, मेहताबबाग आणि इतर स्मारकांना भेट देता येईल.

या दिवशी पर्यटनस्थळे होते विनामूल्य-भारतीय पुरातत्व सर्वेक्षण (ASI) तर्फे वर्षात विविध प्रसंगी ताजमहालमध्ये पर्यटकांना मोफत प्रवेश देण्यात येतो. फेब्रुवारी २०२४ रोजी मुघल सम्राट शाहजहाँच्या उर्सनिमित्त एएसआयन पर्यटकांना तीन दिवस मोफत प्रवेश देण्यात आला होता. यानंतर आंतरराष्ट्रीय महिला दिनीही ताजमहालसह देशभरातील सर्व स्मारकाच्या भेटी पर्यटकांसाठी मोफत होतात. 11 एप्रिलला ईद उल फितरच्या दिवशीही ताजमहाल दोन तासांसाठी पर्यटकांसाठी विनामूल्य होता.

हेही वाचा