മനുഷ്യർ അനുഭവിക്കുന്ന ഏകാന്തതയ്ക്കെതിരെ പോരാടാന്‍ നിര്‍മ്മിത ബുദ്ധി സാങ്കേതികത ഏറെ ഫലപ്രദമെന്ന് വിദഗ്‌ധര്‍. വലിയ ആരോഗ്യ പ്രശ്‌നമായി വിലയിരുത്തുന്ന ഒന്നാണ് ഏകാന്തത. ഇത് നമ്മില്‍ ഗുരുതര പ്രശ്‌നങ്ങള്‍ സൃഷ്‌ടിക്കുന്നുണ്ട്. ഇവ പരിഹരിക്കാന്‍ നിര്‍മ്മിത ബുദ്ധിയുമായുള്ള ബന്ധം നമ്മെ സഹായിക്കും. നിര്‍മ്മിത ബുദ്ധിക്ക് പല കാര്യങ്ങളിലും മനുഷ്യനെ പിന്തുണയ്ക്കാനാകും എന്നാണ് വിലയിരുത്തുന്നത്.
നമ്മുടെ സാമൂഹ്യ ഇടപെടലിനെ സ്വാധീനിക്കാന്‍ നിര്‍മ്മിത ബുദ്ധിയുമായുള്ള ചങ്ങാത്തം സഹായകമാണെന്നാണ് ബ്രിട്ടനിലെ ഷെഫീല്‍ഡ് സര്‍വകലാശാലയിലെ പ്രൊഫസറായ ടോണി പ്രസ്‌കോട്ട് തന്‍റെ പുതിയ പുസ്‌തകമായ സൈക്കോളജി ഓഫ് ആര്‍ട്ടിഫിഷ്യല്‍ ഇന്‍റലിജന്‍സിൽ പറയുന്നത്. ആളുകള്‍ ഏകാന്തതയിലാകുമ്പോള്‍ ബന്ധങ്ങളെല്ലാം ഉപേക്ഷിക്കുന്നു. ഇത് അവരുടെ ആത്മവിശ്വാസത്തെയും തകര്‍ക്കുന്നു. എഐ ഈ പ്രവണത തകർക്കാൻ ഇടയാക്കുകയും അവരുടെ സാമൂഹിക കഴിവുകൾ പരിശീലിക്കാനും മെച്ചപ്പെടുത്താനും അവർക്ക് ഒരു വഴി നൽകുമെന്നും കോഗ്നിറ്റീവ് റോബോട്ടിക്‌സ് പ്രൊഫസർ ടോണി പറഞ്ഞു.
'പലരും തങ്ങളുടെ ജീവിതത്തെ ഏകാന്തതയാണെന്ന് വിശേഷിപ്പിക്കുമ്പോൾ, ഉത്തേജകവും വ്യക്തിപരവുമായ പരസ്‌പര സാമൂഹിക ഇടപെടലിന്‍റെ ഒരു രൂപമായി നിര്‍മ്മിതബുദ്ധിയുടെ കൂട്ടുകെട്ട് ഉണ്ടായിരിക്കുന്നത് മൂല്യവത്താകാം,' ടോണി പറഞ്ഞു. 'നിര്‍മ്മിത ബുദ്ധി കൂട്ടുകെട്ട് സാമൂഹിക കഴിവുകൾ നിലനിർത്തുന്നതിനോ മെച്ചപ്പെടുത്തുന്നതിനോ സഹായിക്കുന്നു. അങ്ങനെയെങ്കിൽ, നിര്‍മ്മിത ബുദ്ധിയുമായുള്ള ബന്ധം മനുഷ്യരും കൃത്രിമവുമായ മറ്റുള്ളവരുമായി സഹവാസം കണ്ടെത്താൻ ആളുകളെ സഹായിക്കുമെന്നും അദ്ദേഹം കൂട്ടിച്ചേർത്തു.
പുസ്‌തകത്തിൽ, പ്രൊഫസർ മനുഷ്യ മനസിന്‍റെ സ്വഭാവവും അതിന്‍റെ വൈജ്ഞാനിക പ്രക്രിയകളും പര്യവേക്ഷണം ചെയ്യുകയും AI വികസിപ്പിക്കുന്ന രീതിയുമായി താരതമ്യം ചെയ്യുകയും ചെയ്യുന്നു. മനഃശാസ്‌ത്രത്തിന്‍റെയും നിര്‍മ്മിത ബുദ്ധിയുടെയും പങ്കാളിത്തം "പ്രകൃതിദത്തവും കൃത്രിമബുദ്ധിയുമായി കൂടുതൽ ഉൾക്കാഴ്‌ചകൾ കണ്ടെത്താന്‍ സഹായിക്കും എന്നും അദ്ദേഹം അഭിപ്രായപ്പെട്ടു.
Also Read:'എഐ എല്ലാ ജോലികളും ഇല്ലാതാക്കും, ജോലികൾ ഒരു ഹോബി പോലെയായി മാറും': എലോൺ മസ്‌കിന്‍റെ മുന്നറിയിപ്പ്
