കോട്ടയം : മുൻവൈരാഗ്യത്തെ തുടർന്ന് അയൽവാസിയെ യുവാവ് കരിങ്കല്ല് കൊണ്ട് ഇടിച്ചു കൊന്നു. ചാമംപതാൽ കറിയാപറമ്പിൽ ചെത്തുതൊഴിലാളിയായ ബിജുവാണ് (57) കൊല്ലപ്പെട്ടത്. സംഭവത്തിൽ അയൽവാസി വെള്ളാറപ്പള്ളി വീട്ടിൽ അപ്പുവിനെ (23) പൊലീസ് അറസ്റ്റ് ചെയ്‌തു.
ഇന്നലെ (സെപ്‌റ്റംബർ 28) വൈകിട്ട് 4.30ഓടെ വെള്ളാറപ്പള്ളി-മാരാംകുന്ന് റോഡിലായിരുന്നു സംഭവം. തെങ്ങ് ചെത്താനായി സൈക്കിളിൽ പോകുകയായിരുന്ന ബിജുവിനെ പ്രതി അപ്പു തടഞ്ഞു നിർത്തിയ ശേഷം ആക്രമിക്കുകയായിരുന്നു. നിലത്ത് വീണ ബിജുവിന്‍റെ തലയ്ക്ക് കരിങ്കല്ലുകൊണ്ട് ഇടിച്ച ശേഷം പ്രതി അവിടെ നിന്നും ഓടി രക്ഷപ്പെട്ടു.